Roma Papası münaqişənin dayandırılması üçün Rusiya və Ukraynaya müraciət edib

BAKI, 2 oktyabr - Sputnik. Roma Papası Fransisk artan nüvə təhlükəsi ilə əlaqədar olaraq Rusiya və Ukraynanı münaqişəni dayandırmağa və sülh yolu ilə həll yolu axtarmağa çağırıb. RİA Novosti-nin xəbərinə görə, Vatikanın Apostol Sarayının pəncərəsindən dindarlara ənənəvi bazar müraciəti başlamazdan əvvəl o, bəşəriyyətin yenidən “nüvə təhlükəsi” ilə üz-üzə olduğunu dilə gətirib.

“Silahlar sussun və güc yolu ilə deyil, razılaşdırılmış, ədalətli və sabit həll yollarına gətirib çıxara biləcək sülh danışıqlarına gəlmək üçün şərtlərin axtarışına başlasın. Bu, həyatın müqəddəs dəyərinə, eləcə də hər bir ölkənin suverenliyinə və ərazi bütövlüyünə, eləcə də azlıqların hüquqlarına və qanuni maraqlarına hörmətə əsaslanacaq”, - deyə Papa bildirib.

Pontifik çağırışının Rusiya prezidentinə ünvanlandığını, ona yalvardığını deyib və "həmçinin xalqına məhəbbətdən dolayı” gərginliyin qarşısını almasını xahiş edib.

Eyni zamanda Papa Ukrayna prezidentinə ciddi sülh təkliflərinə açıq olmaq çağırışı ilə müraciət etdiyini deyib. Pontifik böhrana son qoymaq, dialoq təşəbbüslərini təşviq etmək və dəstəkləmək naminə "əllərindən gələni etmək" üçün xahişlə müxtəlif ölkələrdəki "bütün məsul siyasətçilərə" müraciət edib.

Xatırladaq ki, Rusiya fevralın 24-də Ukraynada xüsusi hərbi əməliyyata başlayıb.

Prezident Vladimir Putin onun məqsədini "səkkiz il ərzində Kiyev rejimi tərəfindən zorakılığa və soyqırıma məruz qalan insanların müdafiəsi" kimi ifadə edib.

Bunun üçün, onun sözlərinə görə, "Ukraynanın demilitarizasiyası və denasifikasiyası"nın həyata keçirilməsi, Donbasda "mülki əhaliyə qarşı qanlı cinayətlərə" cavabdeh olan bütün hərbi cinayətkarların məsuliyyətə cəlb edilməsi planlaşdırılır.

Rusiya Federasiyasının Müdafiə Nazirliyinin məlumatına görə, Silahlı Qüvvələr yalnız hərbi infrastruktura və Ukrayna qoşunlarına zərbələr endirir.

Sentyabrın 21-də Rusiyada qismən səfərbərlik elan olunub. Bunu Rusiya Prezidenti Vladimir Putin rusiyalılara müraciətində bildirib:

"Hərbi xidmətə yalnız hazırda ehtiyatda olan və ilk növbədə Silahlı Qüvvələrdə xidmət etmiş, müəyyən hərbi ixtisaslara və müvafiq təcrübəyə malik olan vətəndaşlar çağırılacaq".