BAKI, 2 oktyabr - Sputnik. “Qazprom” Moldovaya qaz tədarükünün azalmasını Rusiyanın tranzit həcmlərinin bir hissəsini qəbul etməkdən imtina edən Ukraynanın hərəkətləri ilə əlaqələndirib. Bu barədə şirkətin Telegram kanalında məlumat verilib.
Ukraynanın "GTS" operatoru, Novopskov kompressor stansiyasına operativ və texnoloji nəzarəti həyata keçirə bilmədiyi üçün Soxranovka qazölçən stansiyasından tranzit üçün qazın qəbulu ilə bağlı fors-major vəziyyət elan edib.
Rusiya şirkətinin məlumatına görə, Soxranovkadan gündə təxminən 30 milyon kubmetr qaz keçib. Eyni zamanda, hazırda fors-major hallar və maneələr üçün heç bir əsas yoxdur.
Qazprom əlavə edib ki, 2022-ci ilin oktyabrında Moldovaya sutkada 5,7 milyon kubmetr qaz göndəriləcək. Eyni zamanda, Moldova tərəfi borcların ödənilməsi vaxtı ilə bağlı müqaviləni daim pozur.
Oktyabrın 1-də “Prime” agentliyi Moldova hökumətinin mətbuat xidmətinə istinadən xəbər verir ki, Moldova Fövqəladə Hallar Komissiyası 15 milyon kubmetr Ukrayna qazını almaq və Ukraynadakı anbarlarda saxlamaq barədə qərar qəbul edib.