BAKI, 23 sentyabr — Sputnik. "Donetsk Xalq Respublikası"nın Kramatorsk şəhərində Rusiya Aerokosmik Qüvvələri tərəfindən 220-dən çox ukraynalı hərbçi məhv edilib. Bu barədə Rusiya Müdafiə Nazirliyi məlumat yayıb.
"Rusiya Aerokosmik Qüvvələrinin "Donetsk Xalq Respublikası"nın Kramatorsk şəhəri ərazisində 81-ci aeromobil briqadasının bölmələrinə yüksək dəqiqliklə endirdiyi zərbə nəticəsində 220-dən çox ukraynalı hərbçi həlak olub", - məlumatda deyilir.
Bundan əvvəl Rusiya Müdafiə Nazirliyi Xerson vilayətində Ukrayna Silahlı Qüvvələrinə məxsus HIMARS və "Alder" reaktiv yaylım atəş sistemlərinin 42 mərmisinin Rusiyanın hava hücumundan müdafiə sistemləri tərəfindən məhv edilməsi barədə məlumat yayıb.
Bundan başqa, Rusiya Müdafiə Nazirliyinin məlumatına görə, Ukrayna Silahlı Qüvvələri gün ərzində Enerqodar şəhəri və Zaporojye AES-in yaxınlığındakı ərazilərə 13 artilleriya mərmisi atıb.
Ukraynada nə baş verir?
Xatırladaq ki, Rusiya fevralın 24-də Ukraynada xüsusi hərbi əməliyyata başlayıb. RF Prezidenti Vladimir Putin onun məqsədini "səkkiz il ərzində Kiyev rejimi tərəfindən zorakılığa və soyqırıma məruz qalan insanların müdafiəsi" kimi ifadə edib.
Onun sözlərinə görə, bunun üçün "Ukraynanın demilitarizasiyası və denasifikasiyası"nın həyata keçirilməsi, Donbasda "mülki əhaliyə qarşı qanlı cinayətlərə" cavabdeh olan bütün hərbi cinayətkarların məsuliyyətə cəlb edilməsi planlaşdırılır.
Rusiya Federasiyasının Müdafiə Nazirliyinin məlumatına görə, Silahlı Qüvvələr yalnız hərbi infrastruktura və Ukrayna qoşunlarına zərbələr endirir.