BAKI, 23 sentyabr — Sputnik. Beynəlxalq Əmək Təşkilatının bu ilin fevralında dərc olunan hesabatına əsasən, Əfqanıstanın iki əyalətində - Nanqarhar və Kabilin kərpic zavodlarında çalışan işçilərin yarıdan çoxu uşaqlardır.
Çox vaxt onların yaşı 14-dən çox olmur.
BMT-nin hesabatına görə, bu ağır işdə çalışanların 56%-i uşaqlardır, onların 58%-i oğlanlar, 42%-i isə qızlardır.
Uşaqlar səhər 8-dən axşam 5-ə qədər böyüklərlə bərabər işləyirlər.
Valideynlər bir az daha çox pul qazanmaq üçün öz övladlarını ağır işlərə cəlb edirlər. Əfqanıstanda belə bir işçi 300 dollara qədər pul alır.