BAKI, 20 sentyabr - Sputnik. Bakı metrosunda qatarların hərəkəti intervalların nizamlanmış qaydası ilə təmin edilir.
Bu barədə "Bakı Metropoliteni" QSC-nin mətbuat xidmətinin rəhbəri Bəxtiyar Məmmədov məlumat verib.
Onun sözlərinə görə, xətlər üzrə hər hansısa problem qalmayıb.
Baş vermiş hadisə, səbəblər və bundan irəli gələn digər məsələlərin hər biri geniş, detallı və dərindən araşdırılacaq.
***
Bakı metrosunda texniki nasazlıq aradan qaldırılıb.
Bu barədə "Bakı Metropoliteni" QSC-nin mətbuat xidmətindən bildirilib.
Hazırda intervalların tənzimlənməsi prosesi gedir. Əksər marşrutlar üzrə intervallar normallaşdırılıb.
***
Bakı metrosunda yaşıl və qırmızı xətlərdə qatarların hərəkətində gecikmələr baş verib.
Bu barədə "Bakı Metropoliteni" QSC-nin mətbuat xidmətindən bildirilib.
Məlumata görə, buna səbəb yoldəyişdirici qurğuların əllə idarə olunması olub.
Bu səbəbdən hazırda intervaldan əlavə 12 dəqiqə fərq yaranıb.