2022/2023-cü tədris ilində ümumtəhsil məktəblərinin I siniflərinə gedəcək şagirdlərin sayı 158 297 nəfərdir. IX sinifdə 147 029 nəfər, XI sinifdə 100 455 nəfər təhsil alacaq.
Ümumilikdə yeni tədris ilində Azərbaycan məktəblərində 1616214 nəfər bilik alacaq.
Azərbaycanda tədris ilinin ilk günündə 12-13 sentyabr tarixlərində Ermənistan-Azərbaycan sərhədində baş verən hərbi qarşıdurma zamanı Azərbaycan Silahlı Qüvvələrinin hərbçilərinin şəhid olması ilə əlaqədar Bilik Gününə həsr olunmuş təntənəli yığıncaq və digər bayram tədbirləri ləğv edilib.
Ümumtəhsil müəssisələrində ilk dərs "Qarabağ Azərbaycandır!" mövzusuna həsr olunub.