BAKI, 12 sentyabr - Sputnik. Qərbin Ukrayna nasist rejiminə geniş miqyaslı yardımına və Rusiyaya qarşı misli görünməmiş sanksiyalar təzyiqinə baxmayaraq, Rusiyanın xüsusi hərbi əməliyyatının məqsədlərinə nail olunacaq. Bunu Rusiya Federasiyası Təhlükəsizlik Şurasının katibi Nikolay Patruşev Sibir Federal Dairəsində milli təhlükəsizlik məsələlərinə həsr olunmuş iclasda deyib.
“Ümumiyyətlə, Ukrayna ətrafında baş verənlər göstərir ki, ABŞ və onun vassalları Ukraynada sonradan mülki şəxslərə qarşı istifadə edilən silah, hərbi texnika təchizatını artırmaqla münaqişəni uzatmağa çalışırlar”, - deyə Patruşev bildirib.
Təhlükəsizlik Şurasının katibi qeyd edib ki, "Qərbin nasist rejiminə genişmiqyaslı yardımına və Rusiyaya qarşı görünməmiş sanksiya təzyiqinə baxmayaraq, xüsusi hərbi əməliyyatın məqsədlərinə nail olunacaq”.
Xatırladaq ki, dünən Rusiya xarici işlər naziri Sergey Lavrov bildirib ki, Rusiya Ukrayna ilə danışıqlardan imtina etmir. Lakin XİN başçısı proses uzandıqca Ukrayna ilə sülh barədə razılaşmanın daha çətin olacağını deyib:
"Rusiya Ukrayna ilə danışıqlardan imtina etmir, lakin nə qədər ki, proses uzanacaq, bir o qədər razılığa gəlmək çətin olacaq".
Ukraynada nə baş verir?
Xatırladaq ki, Rusiya fevralın 24-də Ukraynada xüsusi hərbi əməliyyata başlayıb. RF Prezidenti Vladimir Putin onun məqsədini "səkkiz il ərzində Kiyev rejimi tərəfindən zorakılığa və soyqırıma məruz qalan insanların müdafiəsi" kimi ifadə edib.
Onun sözlərinə görə, bunun üçün "Ukraynanın demilitarizasiyası və denasifikasiyası"nın həyata keçirilməsi, Donbasda "mülki əhaliyə qarşı qanlı cinayətlərə" cavabdeh olan bütün hərbi cinayətkarların məsuliyyətə cəlb edilməsi planlaşdırılır.
Rusiya Federasiyasının Müdafiə Nazirliyinin məlumatına görə, Silahlı Qüvvələr yalnız hərbi infrastruktura və Ukrayna qoşunlarına zərbələr endirir.