BAKI, 11 sentyabr - Sputnik. Xüsusi hərbi əməliyyat davam etdiyi üçün bu il seçkilər xüsusi şəraitdə keçirilir. Bu isə seçki kampaniyasının necə getməsinə təsir göstərməyə bilməzdi. çoxlu Kampaniya çoxlu sayda insanın xüsusi əməliyyat keçirmək qərarı ətrafında cəmləşdiyini nümayiş etdirdi. Bu fikirlər Rusiya Federasiyası Təhlükəsizlik Şurasının sədrinin müavini Dmitri Medvedevə məxsusdur.
"Bu il seçkilər xüsusi şəraitdə keçirilir, belə ki, xüsusi hərbi əməliyyat davam edir. Silahlı qüvvələrimiz soydaşlarımızı, ölkəmizin vətəndaşlarını qoruyur və bu, seçki kampaniyasının necə getməsinə təsir etməyə bilməzdi", - Medvedev bildirib.
O əlavə edib ki, seçki kampaniyası “çoxlu sayda insan arasında Rusiya prezidenti Vladimir Putinin xüsusi əməliyyatın zəruriliyi ilə bağlı qərarı ətrafında birləşdiyini” nümayiş etdirib.
Rusiyada sentyabrın 9-dan 11-dək vahid səsvermə günü çərçivəsində üç gün ərzində müxtəlif səviyyələrdə seçkilər keçirilib, ümumilikdə 82 regionda 4,7 minə yaxın seçki kampaniyası baş tutub. Birbaşa səsvermə yolu ilə 12 inzibati mərkəzin 14 qubernatoru, altı qanunvericilik məclisinin deputatı və şəhər şurası seçilib.