BAKI, 11 sentyabr - Sputnik. XIV Üzeyir Hacıbəyli Klassik Musiqi Festivalının hansı şəhərlərdə təşkil olunacağı açıqlanıb.
Bu barədə mədəniyyət naziri Anar Kərimov “Tvitter” hesabında paylaşım edib.
Heydər Əliyev Fondu və Mədəniyyət Nazirliyinin təşkilatçılığı ilə 18-26 sentyabr tarixlərində keçiriləcək festivalda 14 ölkənin musiqiçiləri Bakı, Gəncə, Bərdə, Ağcabədidə, eyni zamanda Şuşada çıxış edəcəklər.
Avstriya, Bolqarıstan, Almaniya, Gürcüstan, Fransa, Macarıstan, Yaponiya, Qazaxıstan, Norveç, Rusiya, Cənubi Koreya, Türkiyə, ABŞ-dan olan, habelə yerli musiqiçilər festivalda iştirak edəcəklər.