BAKI, 8 sentyabr — Sputnik. Macarıstan Aİ-dən rusiyalı iş adamları Əlişir Usmanov, Petr Aven və Viktor Raşnikova qarşı sanksiyaların ləğv edilməsi ilə bağlı tələbindən imtina edib. Bu barədə "Politico" mənbələrə istinadən məlumat yayıb.
Nəşrin məlumatına görə, Macarıstan indi öz tələbindən imtina edib.
Budapeşt sahibkarlara qarşı nəzərdə tutulan sanksiyaların sentyabrın ortalarına planlaşdırılan uzadılmasını ləğv edə bilər.
Qeyd edilir ki, Çexiya Macarıstanı məhdudiyyətlərin uzadılmasını pozmamağa razı sala bilib və müvafiq müzakirələr iki aydan sonra bərpa olunacaq.
Bundan əvvəl məlumat verilmişdi ki, Macarıstan Avropa İttifaqından üç sahibkarın - Əlişir Usmanov, Petr Aven və Viktor Raşnikovun adının Rusiyaya qarşı sanksiya siyahısından çıxarılmasını xahiş edib.
Nəşr qeyd edir ki, sentyabrın 15 Avropa İttifaqının fevralın 24-dən sonra sanksiyalara məruz qalan şəxslərə qarşı tədbirləri bərpa etmək üçün son vaxtıdır. Əks halda, onlar ləğv ediləcək.
Xatırladaq ki, Qərb ölkələri Ukraynadakı vəziyyətlə əlaqədar Rusiyaya qarşı bir neçə dəfə sanksiya paketləri tətbiq ediblər. Rusiya Prezidenti Vladimir Putin bildirib ki, Rusiyanı cilovlamaq və zəiflətmək siyasəti Qərbin uzunmüddətli strategiyasıdır və sanksiyalar bütün qlobal iqtisadiyyata ciddi zərbə vurub.
Onun sözlərinə görə, Qərbin əsas məqsədi milyonlarla insanın həyatını pisləşdirməkdir. O əlavə edib ki, cari hadisələr Qərbin həm siyasətdə, həm də iqtisadiyyatda qlobal hökmranlığının altından xətt çəkir.
RF Prezidentinin sözlərinə görə, Rusiya təcrid olunmaq niyyətində deyil, onu müasir dünyada sərt şəkildə təcrid etmək olmaz.