BAKI, 29 avqust — Sputnik. Qərb heç bir halda Ukrayna münaqişəsindən qalib çıxmayacaq. Bu barədə "The National Interest"in şərhçisi Rəmzi Mardini yazır.
"İstənilən halda Qərb bu münaqişədə qalib gəlmir", - deyə Mardini bildirib.
Məqalədə deyilir ki, Rusiyanın Ukraynada hərbi qələbəsi Qərbin, xüsusən də ABŞ-ın daha da alçaldıcı məğlubiyyətinə gətirib çıxaracaq.
"Danışıqlar yolu ilə həll bütün tərəflər üçün ən yaxşı həll yoludur. Buna baxmayaraq, diplomatiya çoxdan dalana dirənib", - deyə müşahidəçi dəqiqləşdirib.
Məqalə müəllifi hesab edir ki, nə ikitərəfli sövdələşmə, nə də sərhədlərin dəyişdirilməsi özlüyündə davamlı sülhə gətirib çıxarmayacaq, çünki Ukrayna münaqişəyə özgə əlləri ilə cəlb olunub.
Məqalədə o da bildirilir ki, Rusiyanın Ukrayna münaqişəsindəki qətiyyəti Qərbin birliyini pozacaq.