BAKI, 17 avqust - Sputnik. Böyük qayıdışın ilkin mərhələsinin başlandığı Zəngilan rayonu Ağalı kənd tam orta məktəbinə müddətli müqavilə ilə vakansiya seçiminə start verilir. Bu barədə Elm və Təhsil Nazirliyinin İctimaiyyətlə əlaqələr şöbəsinin müdiri Cəsarət Valehov sosial şəbəkədə məlumat yayıb.
Məlumatda qeyd olunub ki, vakansiya seçimində müəllimlərin işə qəbulu üzrə müsabiqənin test imtahanı mərhələsində 40 və daha yüksək bal toplamış namizədlər iştirak edə bilər.
Müraciət etmək üçün namizədlərdən bu linkə daxil olaraq müvafiq məlumatları və vakansiyanı qeyd edərək sorğunu tamamlamaq tələb olunur.