BAKI, 5 avqust — Sputnik. Cari ilin ilk yeddi ayında Rusiya ilə Çin arasında ticarət dövriyyəsi 29% artaraq 97,71 milyard dollar təşkil edib. Bu barədə məlumatı Çinin Baş Gömrük İdarəsi açıqlayıb.
Hesabat dövründə Çin Rusiyaya 36,26 milyard dollar dəyərində mal idxal edib ki, bu da 2021-ci ilin eyni dövrü ilə müqayisədə 5,2% artı deməkdir. Rusiyadan Çinə tədarüklər isə 48,8% artaraq 61,44 milyard dollar təşkil edib.
Ayrı-ayrılıqda, iyulda iki ölkə arasında ticarət dövriyyəsinin səviyyəsi 16,79 milyard dollar, Rusiya Çinə 10,02 milyard, Çin Rusiya Federasiyasına 6,77 milyard dəyərində mal idxal edib.
2021-ci ilin sonunda Rusiya ilə Çin arasında ticarət dövriyyəsi 35,8% artaraq rekord həddə - 146,887 milyard dollara çatıb.
Rusiya və Çin liderləri iki ölkə arasında ticarət dövriyyəsini iki dəfə artıraraq, 2024-cü ilə qədər illik 100 milyarddan 200 milyarda çatdırmağı qarşıya məqsəd qoyublar. 2018-ci ildə ticarət dövriyyəsi 100 milyard həddinə çatdı.
Fevralın 4-də Pekində iki ölkə liderləri arasında baş tutan danışıqlardan sonra Rusiya prezidentinin mətbuat katibi Dmitri Peskov bildirib ki, Çin sədri Si Tzinpin Rusiya ilə Çin arasında ticarət dövriyyəsinin ildə 250 milyard dollara qədər artırılmasını qarşıya məqsəd qoyub.