BAKI, 4 avqust — Sputnik. Avropa Birliyi ölkələri ABŞ-a Rusiyaya qarşı mübarizədə qeyri-müəyyən müddətə kömək etməkdə davam etməyəcək. Bunu beynəlxalq məsələlər üzrə ekspert Maykl Qfeller və ABŞ-ın Səudiyyə Ərəbistanındakı keçmiş səfiri Devid Rundell bildiriblər.
Ekspertlərin fikrincə, bu, regionda yaxınlaşan iqtisadi böhranla bağlıdır. Rusiyaya qarşı sanksiyaların tətbiqi səbəbindən Avropa enerji qiymətlərinin artması, inflyasiya və yaşayış minimumunun artması ilə əhatə olunub.
Amerikanın həftəlik "Newsweek" jurnalı üçün yazdıqları məqalədə ekspertlər qeyd edibər ki, bu faktorlar artıq Qərb hökumətlərində kütləvi istefalara səbəb olub, həmçinin, tətillər və ictimai narazılığa səbəb olub və onlar daha da artacaq.
Rusiya Federasiyası Xarici işlər nazirliyinin xarici siyasət planlaşdırılması Departamentinin direktoru Aleksey Drobinin ərəfəsində Qərblə əməkdaşlıq dövrünün başa çatdığını elan edib. Onun sözlərinə görə, hazırda Avropa və ABŞ münasibətlərində 24 fevral 2022-ci il tarixindən əvvəlki vəziyyətə qayıtmağın mümkünsüzlüyünü anlayaraq illüziyalardan qurtulmağın vaxtıdır.
Donbassda vəziyyət hələ də ağırdır. Ukrayna hərbçiləri hələ də nəzarətlərində olan mövqelərdən yaşayış sektorunu mənasız atəşə tutmaqda davam edirlər. Nəticədə mülki əhali əziyyət çəkir.