BAKI, 2 avqust — Sputnik. Ukraynadakı xüsusi hərbi əməliyyat zamanı son vaxtlar "Donetsk Xalq Respublikası"nın 6 yaşayış məntəqəsi azad olunub, "DXR"in azad olunması plan üzrə gedir.
Bu barədə Rusiya müdafiə naziri Sergey Şoyqu selektor iclasda çıxışında deyib.
""Luqansk Xalq Respublikası" ərazisinə nəzarəti ələ keçirdikdən sonra Donetsk Xalq Respublikasının azad edilməsi planlaşdırılır. Bu yaxınlarda Qriqorovka, Berestovoye, Stryapovka, Pokrovskoye, Semiqorye və Novoluqanskoye yaşayış məntəqələri azad edilib. Avropada ən böyük, gücü 3600 meqavat olan Uqleqorsk istilik elektrik stansiyası bizim nəzarətimizə keçib", - Şoyqu bildirib.
Şoyqu Ukraynada müharibə zamanı məhv edilmiş Qərb texnikası barədə də açıqlama verib.
"Qərb silahlarının Ukraynaya nəzarətsiz çatdırılması regionun təhlükəsizliyini ciddi şəkildə təhdid edir. Rusiya hərbçiləri xüsusi hərbi əməliyyat zamanı Ukraynada ABŞ istehsalı olan 33 M777 haubitsalarını, HIMARS sistemlərinin 6 atış qurğusunu və 200-dən çox raketini, 5 gəmi əleyhinə Harpoon raket kompleksini məhv edib".
Nazir bildirib ki, iyulda Ukraynada keçirilən xüsusi hərbi əməliyyat zamanı düşmənin 34 təyyarəsi vurulub və "Toçka-U" əməliyyat-taktiki kompleksinin (OTRK) 39 raketi ələ keçirilib.
Həmçinin, onun sözlərinə görə, son iki həftə ərzində Ukrayna Silahlı Qüvvələri 396 Javelin və EnLo tank əleyhinə raket komplekslərini, həmçinin "Stinger" tipli 125 insan daşına bilən hava hücumundan müdafiə sistemini (MANPADS) itirib".
Ukraynada nə baş verir?
Xatırladaq ki, Rusiya fevralın 24-də Ukraynada xüsusi hərbi əməliyyata başlayıb. RF Prezidenti Vladimir Putin onun məqsədini "səkkiz il ərzində Kiyev rejimi tərəfindən zorakılığa və soyqırıma məruz qalan insanların müdafiəsi" kimi ifadə edib.
Onun sözlərinə görə, bunun üçün "Ukraynanın demilitarizasiyası və denasifikasiyası"nın həyata keçirilməsi, Donbasda "mülki əhaliyə qarşı qanlı cinayətlərə" cavabdeh olan bütün hərbi cinayətkarların məsuliyyətə cəlb edilməsi planlaşdırılır.
Rusiya Federasiyasının Müdafiə Nazirliyinin məlumatına görə, Silahlı Qüvvələr yalnız hərbi infrastruktura və Ukrayna qoşunlarına zərbələr endirir.