BAKI, 27 iyul — Sputnik. Qərb Rusiyanı təcrid etmək cəhdləri ilə ancaq özünü çıxılmaz vəziyyətdə qoyur. Bu barədə Sputnik-in efirində Rusiya Xarici İşlər Nazirliyinin rəsmi nümayəndəsi Mariya Zaxarova bildirib.
"Qərbin Rusiyaya qarşı elan etdiyi təcrid siyasəti, Qərbin özünün dünyanın qalan hissəsindən təcrid olunmasına gətirib çıxardı", - Rusiya XİN nümayəndəsi bildirib.
Zaxarovanın fikrincə, Qərb ölkələri bununla daha axmaq vəziyyətə düşüb.
XİN rəsmisi hesab edir ki, bu vəziyyəti təkrarlamaq üçün qərblilərin heç bir diplomatik və ya beynəlxalq siyasi aləti qalmayıb.
Ukraynada nə baş verir?
Xatırladaq ki, Rusiya fevralın 24-də Ukraynada xüsusi hərbi əməliyyata başlayıb. RF Prezidenti Vladimir Putin onun məqsədini "səkkiz il ərzində Kiyev rejimi tərəfindən zorakılığa və soyqırıma məruz qalan insanların müdafiəsi" kimi ifadə edib.
Onun sözlərinə görə, bunun üçün "Ukraynanın demilitarizasiyası və denasifikasiyası"nın həyata keçirilməsi, Donbasda "mülki əhaliyə qarşı qanlı cinayətlərə" cavabdeh olan bütün hərbi cinayətkarların məsuliyyətə cəlb edilməsi planlaşdırılır.
Rusiya Federasiyasının Müdafiə Nazirliyinin məlumatına görə, Silahlı Qüvvələr yalnız hərbi infrastruktura və Ukrayna qoşunlarına zərbələr endirir.