BAKI, 23 iyul - Sputnik. Rusiya ordusu və Fövqəladə Hallar Nazirliyinin istehkamçıları bir sutka ərzində Donbassda 11 mindən çox partlayıcı obyekti zərərsizləşdirib. Bu barədə şənbə günü Rusiya Federasiyasının Müdafiəyə Nəzarət Milli Mərkəzinin rəhbəri general-polkovnik Mixail Mizintsev məlumat verib.
"Ümumilikdə 5136,81 hektar ərazi (gündə 184,2 hektar), 41 tikili (onlardan 13-ü sosial əhəmiyyətli obyekt), dörd körpü və 9,64 kilometr yol yoxlanılıb", - deyə Mizintsev brifinqdə deyib.
"122 min 636 partlayıcı obyekt aşkar edilərək zərərsizləşdirilib, o cümlədən sutkada 11 min 407", - deyə general əlavə edib.
Daha sonra general humanitar yardım məsələsinə toxunub. Onun sözlərinə görə, Rusiya martın 2-dən Donbass və Ukrayna respublikalarına 47 min tondan çox humanitar yardım çatdırıb.
“Donbass və Ukrayna respublikalarına (2022-ci il martın 2-dən) 47 184,7 ton humanitar yardım çatdırılıb, 1350 aksiya keçirilib, o cümlədən son 24 saat ərzində altısı Donetsk və Luqansk Xalq Respublikaları, Zaporojye, Xarkov və Xerson vilayətləri zamanı 651,5 ton humanitar yardım mülki əhaliyə təhvil verilib”, deyə - Mizintsev bildirib.
General onu da əlavə edib ki, şənbə günü "Donetsk və Luqansk Xalq Respublikaları", Xarkov və Xerson vilayətlərində beş humanitar aksiya keçirilir və bu aksiyalar zamanı əhaliyə ümumilikdə 294 ton zəruri mal və ərzaq ötürüləcək.