BAKI, 17 iyul - Sputnik. Odessadakı sənaye müəssisəsinin binalarından birində Rusiya Silahlı Qüvvələrinin uzaqmənzilli havadan buraxılan raketləri “Harpun” raketlərinin saxlandığı anbarı məhv edib. Bu barədə Rusiya Müdafiə Nazirliyinin rəsmi nümayəndəsi general-leytenant İqor Konaşenkov məlumat verib.
Onun sözlərinə görə, həmçinin HIMARS reaktiv yaylım atəş sisteminin bir buraxılış qurğusu və nəqliyyat-yükləmə maşını yerüstü silahlardan açılan atəşlə məhv edilib:
“Odessa şəhərindəki sənaye müəssisəsinin binalarından birində yüksək dəqiqlikli uzaqmənzilli havadan buraxılan raketlər NATO ölkələri tərəfindən Ukraynaya ötürülən “Harpun” gəmi əleyhinə raketlərin saxlandığı anbarı məhv edib”.
Konaşenkov əlavə edib ki, "Donetsk Xalq Respublikası"nın Krasnoarmeysk qəsəbəsi yaxınlığında yerüstü yüksək dəqiqlikli silahlar ABŞ istehsalı olan HIMARS reaktiv yaylım atəş sisteminin buraxılış qurğusunu və nəqliyyat-yükləyici qurğunu məhv edib.
Həmçinin Rusiya Silahlı Qüvvələri Zaporojye vilayətində Ukrayna Silahlı Qüvvələrinin 97-ci batalyonunun dislokasiya məntəqəsinə hücum edərək 65 nəfərə qədər insanı və 10 texnikanı məhv edib:
“Ukrayna Silahlı Qüvvələrinin 60-cı motoatıcı briqadasının 97-ci batalyonunun Zaporojye vilayətinin Novodanilovka qəsəbəsi ərazisindəki yerləşdirmə məntəqəsinə endirilmiş zərbə nəticəsində 65-ə qədər millətçi və 10-dan çox xüsusi texnikanın bölmələri məhv edilib”.
Harpoon və HIMARS gəmi əleyhinə qanadlı raketləri 1970-80-ci illərdə "McDonnel Douglas" tərəfindən hazırlanıb və hazırda ABŞ-ın "Boeing" Korporasiyasının müəssisələrində istehsal olunur. Üç versiyası mövcuddur - havadan atılan (AGM-84), gəmi əsaslı (RGM-84) və sualtı qayıqda yerləşidilən (UGM-84).
Hərbi ekspertlərin fikrincə, “Harpun” raketi öz sinfində ən uğurlu inkişaflardan biridir. TASS-ın “Hərbi-texniki əməkdaşlıq” jurnalının baş redaktoru Dmitri Litovkinin sözlərinə görə, Rusiya Federasiyasının bütün müasir gəmi radar vasitələri və yerüstü hava hücumundan müdafiə sistemləri Harpoon raketlərini aşkar edə bilir. Rusiya ordusunda mövcud olan zenit-raket kompleksləri və hava hücumundan müdafiə sistemləri isə onların qarşısını almağa qadirdir.
Raketlər NATO ölkələri, Birləşmiş Ərəb Əmirlikləri, Pakistan, Braziliya, Səudiyyə Ərəbistanı, Sinqapur, Tailand, İsrail, Çili və Hindistan da daxil olmaqla 30-a yaxın dövlətin xidmətindədir.
M142 HIMARS Amerika şirkəti Lockheed Martin tərəfindən hazırlanmış yüksək mobil MLRS-dir. 227 mm çaplı raketlərin buraxılması üçün altı bələdçi və ya ATACMS ailəsinin bir idarə olunan operativ-taktiki ballistik raketi olan qurğu FMTV ailəsinin orta taktiki nəqliyyat vasitələrinin beş tonluq altı təkərli şassisinə quraşdırılmışdır.
Qurğu üçün 20-dən çox növ sursat yaradılıb ki, onların atəş məsafəsi növündən asılı olaraq 30-80 (RYAS rejimində), 300 və ya daha çox km (əməliyyat-taktiki raket sistemi kimi) ola bilər. Sistem bir sıra ölkələr, o cümlədən ABŞ, Sinqapur, BƏƏ, Kanada, Polşa, Rumıniya və İordaniya tərəfindən silahlanmaya qəbul edilib.