BAKI, 15 iyul — Sputnik. Rusiyanın Sankt-Peterburq şəhərində 22-23 avqust 2022-ci il tarixlərində ilk dəfə olaraq MDB ölkələrinin birgə istehsalı üzrə layihələrin pitçinqi keçiriləcək (layihəni maliyyələşdirməyə hazır olan investorları tapmaq üçün filmin şifahi və ya vizual təqdimatı - red.). Film və ya serial ideyası adətən ssenarist, rejissor, prodüser və ya studiya nümayəndəsi tərəfindən müdafiə olunur.). Cəfər Cabbarlı adına "Azerbaycanfilm" kinostudiyasından verilən xəbərə görə, pitçinq "Lendok" kinostudiyasının 90 illik yubileyinə həsr olunmuş "MDB ölkələrinin birgə kino istehsalına dair beynəlxalq konfrans" çərçivəsində baş tutacaq.
Pitçinqdə iştirak ödənişsizdir!
Rusiyanın "Lendok" kinostudiyası və Moviestart prodüser mərkəzi sizi iyulun 18-i Moskva vaxtı ilə saat 12:00-da onlayn şəkildə keçiriləcək "Sual-cavab və ya MDB ölkələrinin birgə istehsalı üçün pitçinq layihələrinə necə müraciət etmək olar" sessiyasına dəvət edir. Yayımın linki: https://vk.com/video-211198400_456239039
Pitçinqin təşkilatçıları müraciət etmə qaydaları, seçim meyarları, rusiyalı prodüserləri və onlayn platformaların rəhbərlərini maraqlandıran mövzular haqqında danışacaq, həmçinin qonşu ölkələrdə birgə istehsal layihələrinin perspektivlərini müzakirə edəcəklər.
Pitçinqə müraciət 4 kateqoriya üzrə qəbul edilir:
"Tammetrajlı bədii film"
"Bədii serial"
"Tammetrajlı sənədli film"
"Animasiya filmi"
Pitçinqin nəticələrinə əsasən, qalib layihələrin birgə istehsalı üçün niyyət müqavilələri imzalanacaq. Tədbirin tərəfdaşları ilə razılığa əsasən, qaliblər layihənin inkişafı, tizerin hazırlanması və ya onun qismən həyata keçirilməsi üçün maliyyə mükafatı da ala bilərlər.