BAKI, 9 iyul - Sputnik. Rusiya prezidenti Vladimir Putin Rusiya müsəlmanlarını Qurban bayramı münasibətilə təbrik edib.
Bu barədə Kremlin mətbuat xidməti məlumat yayıb.
Prezident müsəlman icmasının ölkənin həyatındakı rolunu qeyd edərək deyib:
“Sevindirici haldır ki, Rusiyanın müsəlman icması ölkənin həyatında fəal iştirak edir, geniş miqyaslı xeyriyyəçilik, tədris, maarifləndirici təşəbbüslərin həyata keçirilməsinə yorulmadan diqqət yetirir, gənc nəsli öz əcdadlarının adət-ənənələrinə hörmətlə yanaşmaq ruhunda tərbiyə edir”.
Putin əlavə edib ki, onun fəaliyyəti cəmiyyətdə millətlərarası sülhün və harmoniyanın qorunmasında mühüm əhəmiyyət kəsb edir.
"Qədim İslam ziyarətgahlarının (Həcc və s. - red.) ziyarətinin başa çatdığını bildirən Qurban bayramı dərin əxlaqi, mənəvi məna daşıyır, insanları birləşdirməyə, əbədi sevgi, xeyirxahlıq və mərhəmət dəyərlərinin qorunub saxlanmasına xidmət edir", - Ptin deyib.
O, müsəlmanlara can sağlığı, uğurlar, xoşbəxtlik və firavanlıq arzulayıb.