BAKI, 7 iyul — Sputnik. Azad Azərbaycan Televizyasının aparıcısın Zaur Baxşəliyev bu dəfə yeni kliplə tamaşaçılar qarşısına çıxıb. O, son zamanlar aparıcı Zaur Kamalla yaşadığı qalmaqalla gündəmə gələn iranlı müğənni Afşin Azəri ilə klip çəkdirib.
Hər iki məşhur "Eşq yəni" adlı yeni mahnısı ifa edərək ona ekran həyatı veriblər. Kompozisiyanın sözləri Cezahirə aiddir. Mahnının aranjimnalığını Afşin Azəri özü edib. Zaur Baxşəliyevin verdiyi məlumata görə, həmin layihənin üzərində 4 ay çalışıblar. Ötən gecə Afşin Azərinin rəsmi "Youtube" səhifəsində paylaşılan mahnı qısa zamanda yüksək baxış sayı toplayıb.