Mövsüm başlayan kimi təkcə azərbaycanlılar deyil, paytaxtın qonaqları da üzmək və bol D vitamini qəbul etmək üçün Abşeron çimərliklərinə axışıblar.
Vətəndaşların asudə vaxtının təşkili üçün kifayət qədər stul və hamaklar, həmçinin tullantılar üçün konteynerlər quraşdırılıb.
Təmizliyin lazımi səviyyədə saxlanılması üçün burada xidmət göstərən işçilər çalışır.
Bütün bunlara əlavə olaraq, qanuni çimərliklərdə Fövqəladə Hallar Nazirliyinin xilasetmə məntəqələri, təcili tibbi yardım məntəqələri, həmçinin ziyarətçilərin müxtəlif ərzaq və sərinləşdirici içkilər ala biləcəyi köşklər də fəaliyyət göstərir.
Bakı çimərliyindəki pianonun yanında qız müxtəlif pozalarda şəkil çəkdirir.
Bakıda çimərlik mövsümünün açılışı.
Gənc oğlan köpəyi ilə Bakıda dəniz sahilində gəzir.
Çimərlik qumunda oynayan uşaq.
Bakıda gənclər dəniz sahilində avtomobilin fotoşəklini çəkirlər.
Gənclər Bakıdakı çimərliklərdən birində əylənirlər.
Qeyd edək ki, Kiçikhəcmli Gəmilərə Nəzarət və Sularda Xilasetmə Dövlət Xidməti tərəfindən lazımi təhlükəsizlik tədbirləri görülüb.
Aprel ayından etibarən müvafiq idarələrin nümayəndələrinin iştirakı ilə sahilyanı ərazilərdə monitorinqlər aparılır.
Yoxlamalar zamanı çimərlik kimi istifadəyə yararsız və təhlükəli ərazilər müəyyən edilib.
Xəzər rayonunun Şüvəlan qəsəbəsindəki "Mil-Qaya" və "Severnaya QRES" adlanan ərazilər çimənlər üçün kifayət qədər təhlükəlidir.
Orada güclü sualtı axınlar var və qayalıq qırıqlarına rast gəlmək mümkündür.
Azərbaycanda çimərlik mövsümü sentyabrın 15-dək davam edəcək.