BAKI, 29 iyun — Sputnik. İyunun 29-da Azərbaycan Respublikasının Prezidenti İlham Əliyevin Aşqabadda Türkmənistan Prezidenti Sərdar Berdiməhəmmədov ilə görüşü olub. Bu barədə Prezidentin mətbuat xidməti xəbər yayıb.
Qeyd edək ki, bu gün Aşqabadda Azərbaycan Respublikasının Prezidenti İlham Əliyevin Türkmənistan Parlamenti Xalq Məsləhətinin sədri Qurbanqulu Berdiməhəmmədov ilə də görüşü olub.
Xatırladaq ki, Azərbaycan Respublikasının Prezidenti İlham Əliyev Xəzəryanı Dövlətlərin Dövlət Başçılarının VI Zirvə Toplantısında iştirak etmək üçün iyunun 29-da Türkmənistana səfərə gəlib.
Azərbaycan Prezidenti İlham Əliyevin Türkmənistan Parlamenti Xalq Məsləhətinin sədri Qurbanqulu Berdiməhəmmədov ilə görüşü olub
Aşqabad Beynəlxalq Aeroportunda dövlətimizin başçısının şərəfinə fəxri qarovul dəstəsi düzülüb.
Prezident İlham Əliyevi Türkmənistan Nazirlər Kabineti sədrinin və xarici işlər nazirinin müavini Rəşid Meredov və digər rəsmi şəxslər qarşılayıblar.
Azərbaycan Prezidenti İlham Əliyev Türkmənistana səfərə gedib
Bu gün Aşqabadda Xəzəryanı dövlət başçılarının zirvə toplantısı keçiriləcək. Görüşdə Xəzər dənizində əməkdaşlıq və təhlükəsizlik məsələləri müzakirə ediləcək.
Zirvə toplantısı çərçivəsində dövlət başçılarının ikitərəfli görüşləri də nəzərdə tutulub.
Rusiya Prezidenti Vladimir Putin və Azərbaycan Prezidenti İlham Əliyev arasında Türkmənistanın paytaxtı Aşqabadda görüş olacaq. Bunu Rusiya dövlət başçısının köməkçisi Yuri Uşakov deyib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.