RUSİYA

Peskov: Rusiya Ukraynada Qərb silahlarından istifadə epizodlarını qeydə alır

Ukrayna ona verilən silahların yalnız müdafiə məqsədləri üçün istifadə olunacağına dair zəmanət vermişdi
Sputnik
BAKI, 24 iyun — Sputnik. Ukrayna daha əvvəl bəyan etmişdi ki, ona verilən silahlar yalnız müdafiə məqsədləri üçün istifadə olunacaq.
Rusiya Ukraynada Qərb silahlarından istifadənin bütün epizodlarını diqqətlə qeydə alır.
Bunu Rusiya Federasiyası Prezidentinin mətbuat katibi Dmitri Peskov bildirib.
Ukrayna əvvəllər ona verilən silahların yalnız müdafiə məqsədləri üçün istifadə olunacağına, Rusiya ərazisinin atəşə tutulmayacağına dair Almaniya Federativ Respublikasına zəmanət vermişdi. Kiyev də ABŞ-a analoji zəmanət verib.
"Biz bu silahların istifadəsinin bütün epizodlarını diqqətlə qeydə alırıq, ona görə də həmin silahların bəziləri cəbhə xəttinə çatsa və hərbçilərimiz tərəfindən məhv edilməsə, onun necə istifadə edildiyini izləyəcəyik", – deyə Peskov "onlar Kremldə Kiyevin bu cür bəyanatlarına inanmağa hazırdırlar?" sualına cavab olaraq jurnalistlərə bildirib.
Rusiya prezidentinin mətbuat katibi Rusiya Federasiyasının Zaporojye ilə sərhədinin ləğvinin mümkünlüyü ilə bağlı sualı cavablandırarkən bildirib ki, bu barədə danışmaq düzgün deyil.
Zaporojye vilayətinin hərbi-mülki administrasiyasının baş şurasının üzvü Vladimir Roqov daha əvvəl bildirmişdi ki, Ukraynanın cənubunun tarixən Rusiya tərəfindən işğaldan azad edilmiş rayonları ilə Rusiya Federasiyası arasında dövlət sərhədi olmamalıdır.
"Görünür, bu, sualın tam düzgün formalaşdırılması deyil... Bundan söhbət gedə bilməz", - deyə Peskov bildirib.