BAKI, 22 iyun — Sputnik. Ağstafada neolit dövrünə aid "Çağrıtəpə" abidəsində aparılan qazıntı işlərində növbəti mərhələyə start verilib. Sputnik Azərbaycan-ın bölgə müxbiri xəbər verir ki, ekspedisiya qrupu qazıntı zamanı ərazidən zəngin mədəniyyət nümunələri əldə edib.
Azərbaycan Milli Elmlər Akademiyası Arxeologiya, Etnoqrafiya və Antropologiya İnstitutunun ekspediyası Ağstafanın Xətai kəndi ərazisində artıq üçüncü ildir ki, tədqiqatlar aparır.
Ağstafada “Çağrıtəpə” abidəsində aparılan qazıntı işləri
© Sputnik / Ilham Mustafayev
Bu illər ərzində məlum olub ki, ərazinin qədim sakinləri, çay ətrafı olduğuna görə, burada kompakt yaşayıblar. Son qazıntılar zamanı isə buradan dairəvi şəkildə yaşanılan, kompakt düşərgə tikililəri də aşkar olunub.
Ağstafada “Çağrıtəpə” abidəsində aparılan qazıntı işləri
© Sputnik / Ilham Mustafayev
Ekspedisiyanın rəhbəri AMEA-nın Arxeologiya və Etnoqrafiya, Antropologiya İnstitutunun şöbə müdiri Nəcəf Museyibli bildirib ki, adıçəkilən abidə Sovet dövründən məlum olsa da onun tədqiqinə son illərdə başlanıb:
"Burada aşkar olunmuş bütün tapıntılar abidənin Neolit dövrünə aid olduğunu, yəni təxminən 8 min il yaşının olduğunu deməyə əsas verir. Bu abidənin qədim sakinləri əkincilik maldarlıq və sənətgarlıqla məşğul olublar. Aşkar olunmuş tapıntılar müxtəlif daşdan, obsidiandan, sümükdən hazırlanmış məişət əşyalarından ibarətdir".
Arxeoloq hazırda 200 kvadrat metrlik ərazidə arxeoloji qazıntıların davam etdiyini, artıq üst qatda aşkarlanan maddi mədəniyyət nümunələrinin götürüldükdən sonra qazıntının alt qatlarda davam etdiriləcəyini söyləyib:
"Ərazidə aparılan qazıntılar bölgənin Neolit dövrünün araşdırılması ücün olduqca əhəmiyyətlidir. Eyni zamanda qazıntılar ərazinin Azərbaycanın Cənubi Qafqaz və Yaxın Şərq mədəniyyəti sistemlərində yerini müəyənləşdirməyə imkan verir".
Qeyd edək ki, arexeloji qazıntıların məlumatları əvvəlcə ölkəmizdə nəşr ediləcək. Əldə edilən məlumatların müvafiq təhlillərdən sonra daha geniş formada tərcümə edilərək digər ölkərdə də çapı nəzərdə tutulub.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.