BAKI, 14 iyun — Sputnik. Bu il Sankt-Peterburq beynəlxalq iqtisadi forumuna Qərbdən az iştirakçı qatılacaq. Rusiya prezidenti Vladimir Putinin sözçüsü Dmitri Peskov TASS-a müsahibəsində deyib.
O bildirib ki, Qərbdən olacaq qonaqların sayının az olmasını başa düşmək lazımdır:
"Bu, onların iştirak etmək istəmədiklərinə və hamısının belə bir qərar verdiyinə görə deyil. Bəli, ayrı-ayrı hökumətlərin qərarı var, inteqrasiya birliyi kimi Avropa İttifaqının qərarı var, ABŞ-dan bütün vassallar üçün göndərilmiş direktiv var".
Peskov qeyd edib ki, bununla belə ABŞ-dan və Avropadan iştirak etmək istəyən sahibkarlar var:
"Təəssüf ki, indi onlar gözləmək məcburiyyətindədirlər. Onlar ilk fürsətdə bizim bazara qayıtmaq niyyətindədirlər. Onların bir çoxu üçün bunu etmək çətin və baha başa gələcək, çünki müasir bazar şəraitində bazarda boşluq qalmır. Bu boşluq başqası tərəfindən dərhal doldurulur".
Qeyd edək ki, bu il iyunun 15-dən 18-ə qədər keçiriləcək Sankt-Peterburq Beynəlxalq İqtisadi Forumuna (PBİF) daha əvvəl iştirakını təsdiq edən Qazaxıstan prezidenti Kasım-Jomart Tokayevdən başqa digər xarici liderlər də gələcək.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.