BAKI, 14 iyun — Sputnik. Qida Təhlükəsizliyi Agentliyi bağçalarda aparılan monitorinqlərə dair hesabatını açıqlayıb.
AQTA-dan APA-ya verilən məlumata görə, ümumilikdə 12 bağçada aparılan yoxlamalar nəticəsində 94 nöqsan aşkarlanıb. 10 bağça ilə bağlı inzibati tədbir görülüb.
Qeyd edək ki, monitorinqlər 6-10 iyun tarixlərini əhatə edib.
Xatırladaq ki, AQTA tərəfindən mayın 31-dən iyunun 3-dək 12 bağçada aparılan monitorinq zamanı isə 97 nöqsan aşkarlanmışdı.
AQTA-nın ötənilki məlumatına görə, kobud pozuntu faktları aşkar olunan 183 məktəbəqədər təhsil müəssisəsinin rəhbər şəxsləri barəsində inzibati qaydada tədbir görülüb.
2021-ci ilin 4 oktyabr tarixindən 1 dekabradək olan müddətdə 220 müəssisədə dövlət nəzarət tədbirləri həyata keçirilib. 205 müəssisədə 1236 nöqsan aşkarlanıb. Bütün bu monitorinqlərin yekunu olaraq məktəbəqədər təhsil müəssisələrində qidalanmanın düzgün təşkil edilməsinə dəstək məqsədilə həm Bakıda, həm də bölgələrimizə fəaliyyət göstərən uşaq bağçaları və körpələr evi rəhbərlərinin və məsul şəxslərin iştirakı ilə təlim keçirilib.