BAKI, 13 iyun — Sputnik. Rusiyanın xarici işlər naziri Sergey Lavrov İrana səfər edəcək.
Bu barədə İran Xarici İşlər Nazirliyinin sözçüsü Səid Xətibzadə iyunun 13-də keçirdiyi brifinqdə bildirib.
O, səfərin tarixi barədə məlumat verməyib: "Başqa informasiyaları bir qədər sonra bildirəcəyik".
Qeyd edək ki, Rusiya Xarici İşlər Nazirliyinin mətbuat katibi Mariya Zaxarova da Sergey Lavrovun İrana səfərinin tarixi ilə bağlı hazırlığın aparıldığını bildirib.
Xatırladaq ki, Rusiya XİN rəhbəri ötən həftə Ankarada türkiyəli həmkarı Mövlud Çavuşoğlu ilə danışıqlar aparıb. Bunun ardınca isə o, Ermənistana səfər edib.