BAKI, 11 iyun — Sputnik. Pentaqon təsdiqləyib ki, ABŞ və NATO Ukraynanı 20 ildir inkişaf etdirir, bu, siyasi və hərbi işğaldır. TASS xəbər verir ki, bunu Ukraynadakı Amerika bioloji laboratoriyalarının işini araşdırmaq üzrə parlament komissiyasının həmsədri, Rusiya Dövlət Dumasının vitse-spikeri İrina Yarovaya deyib.
Pentaqon ötən gün verdiyi brifinq notasında bildirib ki, son 20 ildə ABŞ rəsmiləri Ukraynada 46 müxtəlif mülki laboratoriya, səhiyyə müəssisəsi və xəstəlik diaqnostikası mərkəzlərinə dəstək verib, qarşılıqlı fəaliyyət dinc məqsədlər üçün həyata keçirilib.
"Pentaqonun bəyanatında önəmli olan budur ki, faktiki olaraq ABŞ-ın əsas idarəsi və NATO-nun 20 ildir Ukraynaya yiyələnməsi təsdiqlənir. Bu isə o deməkdir ki, bu illər ərzində bu ölkənin başına gələn bütün dəhşətli hadisələr ABŞ-ın birbaşa iştirakı və nəzarət altında həyata keçirilib", - deyə o bildirib.
"Pentaqon tərəfindən Ukraynanın inkişafı siyasi, iqtisadi, hərbi və bioloji işğaldır və onun nəticələri bu gün parlament araşdırmasının predmetidir", - deputat vurğulayıb.
Ukraynada nə baş verir
Xatırladaq ki, Rusiya fevralın 24-də Ukraynada xüsusi hərbi əməliyyata başlayıb.
Prezident Vladimir Putin onun məqsədini "səkkiz il ərzində Kiyev rejimi tərəfindən zorakılığa və soyqırıma məruz qalan insanların müdafiəsi" kimi ifadə edib.
Bunun üçün, onun sözlərinə görə, "Ukraynanın demilitarizasiyası və denasifikasiyası"nın həyata keçirilməsi, Donbasda "mülki əhaliyə qarşı qanlı cinayətlərə" cavabdeh olan bütün hərbi cinayətkarların məsuliyyətə cəlb edilməsi planlaşdırılır.
Rusiya Federasiyasının Müdafiə Nazirliyinin məlumatına görə, Silahlı Qüvvələr yalnız hərbi infrastruktura və Ukrayna qoşunlarına zərbələr endirir.
Vladimir Putin vurğulayıb ki, Rusiya Silahlı Qüvvələrinin dəstəyi ilə "DXR" və "LXR" qrupları hücumu inkişaf etdirir, lakin Ukraynanın işğalından söhbət getmir.