BAKI, 8 iyun — Sputnik. ABŞ Avropa İttifaqı (Aİ) ölkələrini Rusiyanın enerji resurslarından imtina etməyə məcbur etdi, onlar isə Rusiyadan neft tədarükünü demək olar ki, iki dəfə artırıblar. Bu, Amerika siyasətinin ikili standartlarından xəbər verir, buna görə də Avropa ölkələrinin vətəndaşları enerji qiymətlərinin artmasına dözməlidirlər. TASS xəbər verir ki, bunu Rusiya Dövlət Dumasının spikeri Vyaçeslav Volodin özünün "Telegram" kanalında bildirib.
"İkili standartlar var. İndi qoy avropalı siyasətçilər və məmurlar izah etsinlər ki, vətəndaşları Baydenin qiymət artımına niyə dözməlidirlər", - Volodin vurğulayıb.
O xatırladıb ki, ABŞ Prezidenti Co Bayden martın əvvəlində ABŞ-ın Rusiyadan neft, qaz və digər enerji tədarüklərinə qadağa qoyduğunu bəyan edib.
"Amma ABŞ Energetika Nazirliyinin Enerji İnformasiya Administrasiyasının məlumatları bunun əksini göstərir. Martda Rusiyadan neft tədarükü fevralla müqayisədə demək olar ki, iki dəfə artıb - 2,325-dən 4,218 milyon barelə", - Volodin bildirib.
Beləliklə, o vurğulayıb ki, Rusiya ABŞ-a ən böyük neft tədarükçüləri reytinqində doqquzuncu yerdən altıncı yerə yüksəlib.
Bununla belə, Dövlət Dumasının spikeri qeyd edib ki, Vaşinqton eyni zamanda Aİ dövlətlərini Rusiyaya qarşı sanksiyalar tətbiq etməyə məcbur edib, onlar Rusiyanın enerji resurslarından imtina edib, bununla da istəyinə nail olub.
Qərb ölkələri Ukraynadakı vəziyyətlə əlaqədar Rusiyaya qarşı bir neçə dəfə sanksiya paketləri tətbiq edib. Rusiya Prezident Vladimir Putin bildirib ki, Rusiyanı cilovlamaq və zəiflətmək siyasəti Qərbin uzunmüddətli strategiyasıdır və sanksiyalar bütün qlobal iqtisadiyyata ciddi zərbə vurub.
Onun sözlərinə görə, Qərbin əsas məqsədi milyonlarla insanın həyatını pisləşdirməkdir. O əlavə edib ki, cari hadisələr Qərbin həm siyasətdə, həm də iqtisadiyyatda qlobal hökmranlığının altından xətt çəkir. RF Prezidentinin sözlərinə görə, Rusiya təcrid olunmaq niyyətində deyil, onu müasir dünyada sərt şəkildə təcrid etmək olmaz.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.