BAKI, 7 iyun — Sputnik. Rusiya müdafiə naziri Sergey Şoyqu Svyatoqorskın azad edildiyini elan edib.
"Severski Donetsin sol sahili boyunca yerləşən "Donetsk" və "Luqansk Xalq Respublikaları"nın əhəmiyyətli hissəsi, o cümlədən Krasnı Liman və Svyatoqorsk şəhərləri, həmçinin 15 digər yaşayış məntəqəsi azad edilib", - müdafiə idarəsinin rəisi bildirib.
O, "azad edilmiş" ən böyük yaşayış məntəqələri arasında Studenok, Yarovaya, Kirovsk, Yampol və Drobışevonun adlarını çəkib.
Şoyqu həmçinin təsdiqləyib ki, Severodonetskin yaşayış məntəqələri "azad edilib" və hazırda ordu sənaye zonası və ən yaxın yaşayış məntəqələri nəzarətə götürülür.
"Pasna istiqamətində hücum davam edir. Ümumiyyətlə, bu günə qədər "Luqansk Xalq Respublikası"nın ərazisinin 97 faizi azad edilib", - nazir əlavə edib.
O vurğulayıb ki, Müdafiə Nazirliyi Rusiya Dəmir Yolları ilə birlikdə Rusiya, Donbass, Ukrayna və Krım arasında tamhüquqlu hərəkəti bərpa etmək üçün 1200 kilometr dəmir yolu xəttini bərpa edib.
Rusiya xüsusi əməliyyatının aralıq nəticələrinə yekun vuran Şoyqu qeyd edib ki, son beş gündə Ukrayna Silahlı Qüvvələrinin 126 hərbçisi təslim olub, onların ümumi sayı 6489 nəfərdir.
Ukraynada nə baş verir
Xatırladaq ki, Rusiya fevralın 24-də Ukraynada xüsusi hərbi əməliyyata başlayıb.
Prezident Vladimir Putin onun məqsədini "səkkiz il ərzində Kiyev rejimi tərəfindən zorakılığa və soyqırıma məruz qalan insanların müdafiəsi" kimi ifadə edib.
Bunun üçün, onun sözlərinə görə, "Ukraynanın demilitarizasiyası və denasifikasiyası"nın həyata keçirilməsi, Donbasda "mülki əhaliyə qarşı qanlı cinayətlərə" cavabdeh olan bütün hərbi cinayətkarların məsuliyyətə cəlb edilməsi planlaşdırılır.
Rusiya Federasiyasının Müdafiə Nazirliyinin məlumatına görə, Silahlı Qüvvələr yalnız hərbi infrastruktura və Ukrayna qoşunlarına zərbələr endirir.
Vladimir Putin vurğulayıb ki, Rusiya Silahlı Qüvvələrinin dəstəyi ilə "DXR" və "LXR" qrupları hücumu inkişaf etdirir, lakin Ukraynanın işğalından söhbət getmir.