BAKI, 1 iyun — Sputnik. ABŞ-ın Ukraynaya silah tədarükü Kiyevin sülh danışıqlarını bərpa etmək istəyinin oyanmasına imkan vermir. Bunu Rusiya prezidentinin mətbuat katibi Dmitri Peskov jurnalistlərə açıqlamasında bildirib.
Bir gün əvvəl Ağ Evin sözçüsü bildirmişdi ki, ABŞ Ukraynanı Rusiyadakı hədəflərə zərbə endirməyə təşviq etmir və bunun üçün ona verilən silahlardan, o cümlədən HIMARS-dan istifadə etməyəcəyinə söz verib. Birləşmiş Ştatlar yeni hərbi yardım paketinin bir hissəsi kimi Kiyevə HIMARS çoxsaylı buraxılış raket sistemləri (MLRS) verməyi planlaşdırır və bu, təxminən 80 kilometr məsafədəki hədəfləri vura biləcək.
"Biz artıq dedik ki, burada yeni heç nə yoxdur. Biz hesab edirik ki, Birləşmiş Ştatlar məqsədyönlü şəkildə və səylə odun üstünə yağ tökür. ABŞ açıq-aydın son ukraynalıya qədər Rusiyaya qarşı mübarizə xəttini tutub. Bu cür silah tədarükü Ukrayna rəhbərliyinin sülh danışıqlarını bərpa etmək istəyinin oyanmasına kömək etmir. Ona görə də biz buna, əlbəttə ki, mənfi yanaşırıq", - deyə Peskov Kiyevə silah tədarükünün davam etdirilməsi ilə bağlı ABŞ-ın bəyanatlarına Kremlin reaksiyası ilə bağlı sualı cavablandırarkən bildirib.
Peskov bildirib ki, Rusiyanın xarici siyasətinin yenilənmiş konsepsiyası hazırlanır, amma hələ təsdiqlənməyib.
"Onun hazırlanması davam edir və o hazır olanda konsepsiyaya baxılacaq.
Bundan əvvəl Rusiya Xarici İşlər Nazirliyi məlumat vermişdi ki, Qərbin aqressiv kursu Rusiyanın dost olmayan dövlətlərlə münasibətlərinə köklü şəkildə yenidən baxılmasını tələb edir, buna görə də xarici siyasət konsepsiyasının yeni variantının hazırlanması məsələsi müzakirə olunur.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.