BAKI, 27 may — Sputnik. Qərbin indiyə kimi görünməmiş rusofobiyası uzun müddət bizimlə olacaq. Bunu Rusiyanın xarici işlər naziri Sergey Lavrov bildirib.
"Qeyd etdiyimiz kimi, Qərb bizə, bütün Rus dünyasına total müharibə elan edib. İndi bunu heç kim gizlətmir, bu, absurd həddinə çatır, Rusiya mədəniyyəti ilə bağlı hər şeyin ləğvi səviyyəsinə çatır. Çaykovski, Dostoyevski, Tolstoy, Puşkin kimi klassiklərimiz qadağa altındadır. Bu gün mədəniyyətimizi təmsil edən milli mədəniyyət və incəsənət xadimləri də təqib olunurlar", - nazir Rusiya subyektlərinin rəhbərləri şurasının iclasında deyib.
Lavrovun sözlərinə görə, bu vəziyyət hələ uzun müddət davam edəcək:
“Biz buna hazır olmalıyıq. Bu, soyuq müharibə başa çatdıqdan sonra 30 il əvvəl irəli sürülən ümumbəşəri dəyərlər haqqında gözəl şüarlara Qərbin əsl münasibətini ortaya qoyub. Biz indi bu ifadələrin qiymətinin nədən ibarət olduğunu görürük".
Qeyd edək ki, Qərbyönlü ölkələr Rusiya ilə mübarizənin ən qəribə yolunu seçiblər. Belə ki, rusiyalılara bağlı olan hər şey hər yerdə qadağandır.
Məsələn, İsveçdə artıq rus balalaykalarını ifa edən musiqi qrupuna üstünlük vermirlər, Ukraynada və Baltikyanı ölkələrdə isə rus yazıçılarının və sovet əsgərlərinin abidələrinə qarşı rüsvayçı hərəkətlər edilir.
Qərb ictimaiyyətini Rusiyanın dünya mədəniyyətinə, ədəbiyyatına və incəsənətinə verdiyi töhfəni xatırladan hər şeydən təcrid etməyə çalışırlar.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.