İmran Xanın tərəfdarları yenidən Pakistan şəhərlərində küçələrə çıxıb

Ölkənin keçmiş baş naziri İmran Xan mayın 25-də Pakistanın paytaxtında partiyanın tərəfdarlarının "Müstəqillik yürüşü" keçirəcəyini elan edib. Öz növbəsində Pakistan hökuməti bu yürüşə mane olmaq niyyətini açıqlayıb və İslamabad şəhərinə gedən yolların bir hissəsini bağlayıb.

Mayın 25-də axşam saatlarında Xanın rəhbərlik etdiyi yürüş paytaxt ərazisinə daxil olub. İslamabada gedən yolda etirazçılar polislə toqquşub. Verilən xəbərlərə görə, hər iki tərəfdən onlarla insan xəsarət alıb. Qarşıdurma zamanı hüquq-mühafizə orqanlarının əməkdaşları dəfələrlə gözyaşardıcı qaz tətbiq edib və havaya atəş açıblar.

1 / 14

Müxalif "Ədalət uğrunda hərəkat" partiyasının tərəfdarlarının Milli Məclisin buraxılmasına nail olmaq məqsədilə yürüşü keçirilir.

2 / 14

Nümayişçilər həmçinin bu ilin yayında Pakistanda ümumi seçkilərin keçirilməsini və ölkənin Mərkəzi Seçki Komissiyasının səsverməni 2023-cü ilə təyin edilmiş qərarının ləğvini tələb edirlər.

3 / 14

Aprelin 10-da Pakistanın keçmiş baş naziri İmran Xan ölkə parlamentinin ona etimadsızlıq səsverməsi nəticəsində hakimiyyətdən uzaqlaşdırılıb.

4 / 14

İmran Xan mayın 25-də Pakistanın paytaxtında partiya tərəfdarlarının "Müstəqillik yürüşü" keçirəcəyini elan edib.

5 / 14

Pakistan polisi keçmiş baş nazir İmran Xanın "Təhrir-i-İnsaf" partiyasının tərəfdarlarını dağıtmaq üçün gözyaşardıcı qazdan istifadə edib.

6 / 14

Hadisə ölkənin şimal-şərqindəki Lahor şəhərində, partiya tərəfdarlarının İslamabada yürüş etmək üçün toplaşacağı "Batty Chowk" yol qovşağının yaxınlığında baş verib.

7 / 14

Toqquşmadan sonra polis "Təhrir-i-İnsaf" partiyasının ən azı 12 tərəfdarını saxlayıb.

8 / 14

Hakimiyyət Pişəvər bölgəsində paytaxta gedən magistral yolu torpaqla örtərək nümayişçilərin yolunu kəsməyə çalışıb, ancaq etirazçılar bu maneənin də öhdəsindən gəliblər.

9 / 14

Pakistan hakimiyyəti çərşənbə günü ölkədə növbədənkənar parlament seçkilərinin keçirilməsi tələbi ilə Pəncab əyalətindən İslamabad istiqamətində yürüş edən minlərlə insana rəhbərlik etməyi planlaşdıran müxalif "Ədalət uğrunda hərəkat" partiyasının 247 liderini və fəalını saxlayıb.

10 / 14

KİV-in məlumatına görə, müxalifət yürüşünün qarşısını almaq əmrini alan 20 mindən çox hərbçi və polis xüsusi təyinatlıları Pakistan paytaxtına yerləşdirib.

11 / 14

Təhlükəsizlik qüvvələri nümayişçilərin bütün əsas hərəkət yollarını bağlayıb və İslamabadın mərkəzi rayonlarını ciddi nəzarətə götürüblər.

12 / 14

Pakistan hökuməti qoşunların İslamabadın "qırmızı zonası"na - əsas hökumət binalarının yerləşdiyi əraziyə yerləşdirilməsinə icazə verib.

13 / 14

Aprel ayında Xanın baş nazir vəzifəsindən devrilməsi və onun yerinə parlamentin müxalif Pakistan Müsəlman Liqasının (N) rəhbəri Şəhbaz Şərifin seçilməsindən sonra minlərlə etiraz aksiyaları başlayıb.

14 / 14

Xan daha sonra bildirib ki, Pakistanda heç vaxt belə izdiham bu cür kortəbii şəkildə və bu qədər çox sayda ortaya çıxmayıb. Onlar fırıldaqçıların rəhbərlik etdiyi xaricdən idxal edilmiş hökuməti rədd edirlər.

Pakistanın Ali Məhkəməsinin keçmiş baş naziri İmran Xanın və onun rəhbərlik etdiyi müxalif "Ədalət uğrunda hərəkat" partiyasının fəallarının parlament seçkilərinin tezliklə keçirilməsi tələbi ilə İslamabada yürüşü ilə əlaqədar həbs olunmasını qadağan edib.

Pakistan Ali Məhkəməsi hakimiyyətdən həmçinin paytaxtın blokadasını ləğv etməyi, əvvəllər həbs olunmuş 300-ə yaxın lider və fəalını azad etməyi, evlərində axtarışları dayandırmağı və müxalifətin polislə toqquşmalara səbəb ola biləcək qanunsuz hərəkətlərə əl atmayacağı müqabilində "lazımsız güc tətbiq etməkdən imtina etməyi" tələb edib. Bu şərtlər daxilində Pakistan Ali Məhkəməsi yürüş və nümayişlərin İslamabadın bu aksiyalar üçün ciddi şəkildə ayrılmış ərazilərində keçirilməsinə icazə verib.