BAKI, 24 may — Sputnik. Azərbaycan Respublikasının Dini Qurumlarla iş üzrə Dövlət Komitəsi İslam dininə aid ibadət yerlərində (məscidlər) aşağıdakı vakant vəzifələrin tutulması üçün müsahibə elan edib.
Həmin ibadət yerləri aşağıdakılardır:
1. Suraxanı rayonu, "Fatimeyi-Zəhra" məscidi - imam vəzifəsi
2. Suraxanı rayonu, Bülbülə qəsəbə məscidi - imam müavini vəzifəsi
3. Səbail rayonu, "Həzrət Məhəmməd" məscidi - imam vəzifəsi
4. Yasamal rayonu, "İlahiyyat" məscidi - imam vəzifəsi
5. Şirvan şəhəri, "Cümə" məscidi - imam vəzifəsi
6. Şirvan şəhəri, "İmam Zeynalabdin" məscidi - imam vəzifəsi
7. Şirvan şəhəri, "Həzrət Əbülfəz" məscidi - imam vəzifəsi
8. Abşeron rayonu, Mehdiabad qəsəbə məscidi - imam vəzifəsi
9. Xırdalan şəhəri, "Cümə" məscidi - imam vəzifəsi
10. Zaqatala rayonu, Çobankol kənd məscidi - imam müavini vəzifəsi
11. Zaqatala rayonu, Faldarlı kənd məscidi - imam müavini vəzifəsi
12. Zaqatala rayonu, Lahıc kənd məscidi - imam müavini vəzifəsi
13. Qax şəhəri, "Mərkəzi Cümə" məscidi - imam vəzifəsi
14. Ağdaş rayonu, Ləki qəsəbə məscidi - imam vəzifəsi
15. Lənkəran rayonu, Lüvəsər kənd məscidi - imam müavini vəzifəsi
16. Lənkəran rayonu, İstisu qəsəbə məscidi - imam müavini vəzifəsi
17. Astara rayonu, Lovayn kənd məscidi - imam müavini vəzifəsi
18. Astara rayonu, Şuvi kənd məscidi - imam müavini vəzifəsi
19. Biləsuvar rayonu, İsmətli kənd məscidi - imam müavini vəzifəsi
20. Biləsuvar rayonu, "Cümə" məscidi - imam vəzifəsi
21. Cǝlilabad şəhəri, "Cümə" məscidi imam müavini vəzifəsi
22. Xaçmaz şəhəri, "Təzə şəhər" məscidi - imam müavini vəzifəsi
23. Xaçmaz rayonu, Xudat kənd məscidi - imam müavini vəzifəsi
24. Göyçay rayonu, Aşağı Qaraməryəm kənd məscidi - imam müavini vəzifəsi
25. İmişli şəhəri, "Məşədi Həbib" məscidi - imam vəzifəsi
26. İmişli şəhəri, "Cümə" məscidi - imam müavini vəzifəsi
27. İsmayıllı rayonu, "Məhəmmədiyyə" məscidi - imam vəzifəsi
28. Qobustan şəhəri, "Cümə" məscidi - imam müavini vəzifəsi
29. Quba şəhəri, "Ağməscid" məscidi - imam vəzifəsi
30. Quba rayonu, Ağbil kənd məscidi - imam müavini vəzifəsi
31. Ağcabədi rayonu, Avşar kənd məscidi - imam müavini vəzifəsi
32. Oğuz rayonu, Kərimli kənd məscidi - imam vəzifəsi
33. Siyəzən şəhəri, "Cümə" məscidi - imam vəzifəsi
34. Yardımlı şəhər məscidi - imam vəzifəsi
35. Masallı rayonu, Təzəkənd kənd məscidi - imam müavini vəzifəsi
36. Masallı rayonu, Ağakişibəyli kənd məscidi - imam müavini vəzifəsi
37. Daşkəsən şəhəri, "Cümə" məscidi - imam vəzifəsi
38. Neftçala şəhəri, "Sahib əz-Zaman" məscidi - imam vəzifəsi
39. Şəmkir rayonu, Düyərli kənd məscidi - imam vəzifəsi.
Dini Qurumlarla İş üzrə Dövlət Komitəsinin sədr müavini Gündüz İsmayılov mətbuat konfransında bildirib ki, bir neçə ölkənin təcrübəsindən yararlanıblar: "Bu ölkələrin təcrübəsində din xadimlərinin təyinatı iki mərhələli olur: test və müsahibə. Amma biz testi məqsədəuyğun saymadıq, sadəcə müsahibə üsulunu saxladıq".
Onun sözlərinə görə, gələcəkdə müsahibə ilə yanaşı bir neçə mərhələdən də istifadə oluna bilər: "Vəzifədən vəzifəyə dəyişiklik olarsa, müsahibə vacibdir. Bir məsciddən başqa bir məscidə eyni vəzifə ilə keçmək üçün müsahibəyə ehtiyac olmadığı halda, vəzifə artımında müsahibə vacibdir. DQİDK razılığı ilə və yaxud QMİ tərəfindən göndərilib xaricdə dini təhsil alan şəxslər də müsahibədə iştirak edə bilər".
Gündüz İsmayılov qeyd edib ki, daimi fəaliyyət göstərən məscidlərin sayı 1200 olduğu halda, müvəqqəti (daha çox Ramazan aylarında) fəaliyyət göstərən məscid sayı 300-400 arasıdır.