Şimali Koreyada koronavirusun yayılması - 16.05.2022, Sputnik Azərbaycan

Pandemiyanın başlamasından bəri ilk dəfə olaraq Şimali Koreya ölkədə koronavirusa yoluxma hallarının aşkar edildiyini bəyan edib. Şimali Koreya Mərkəzi Teleqraf Agentliyinin (ŞKMTA) məlumatına görə, aprelin sonundan etibarən ölkədə "mənşəyi məlum olmayan və hərarətlə müşaiyət edilən naməlum xəstəlik" yayılmağa başlayıb.

ŞKMTA-nın verdiyi xəbərə görə, ölkədə bazar günü 392 mindən çox yüksək hərarətli yeni xəstə qeydə alınıb, 8 nəfər dünyasını dəyişib. Ümumilıikdə isə, isə 1,2 milyondan çox insan naməlum xəstəliyə düçar olub, 50 nəfər dünyasını dəyişib.

Ölkədə tətbiq olunmuş "yüksək səviyyəli fövqəladə epidemiya əleyhinə systemin" işini yoxlamaq üçün mayın 14-də Kim Çen Inın sədrliyi ilə Koreya Fəhlə Partiyası Mərkəzi Komitəsinin Siyasi Bürosunun iclası çağırılıb. Pandemiyanın başlanğıcından bəri ilk dəfə olaraq KXDR lideri ictimaiyyət qarşısına maskalı çıxıb.

1 / 10

Cənubi Koreya KXDR-ə koronavirusa qarşı mübarizədə yardım təklif etsə də, Şimali Koreya hələlik buna reaksiya verməyib.

2 / 10

Cənubi Koreya Prezidenti artıq bildirib ki, Pxenyan yardımı qəbul etməyə razılaşarsa, o, Şimali Koreyaya "lazım olduğundan artıq" peyvəndlər, bütün digər zəruri tibbi ləvazimatlar və tibbi personal göndərə bilər.

3 / 10

Keçən həftə KXDR pandemiyanın başlanğıcından bəri ilk dəfə olaraq ölkədə koronavirusa yoluxma hallarının aşkar edildiyini bildirib.

4 / 10

Aprelin sonlarından ölkədə "mənşəyi məlum olmayan və hərarətlə müşaiyət edilən naməlum xəstəlik" yayılmağa başlayıb.

5 / 10

Şimali Koreyanın bir sıra dövlət mediasında yayılan məlumatlardan belə nəticəyə gəlmək olar ki, ölkədə koronavirus yayılır, lakin qızdırması olan xəstələrin dəqiq neçə hissəsinin COVID-19-a yoluxması barədə dəqiq məlumat verilmir.

6 / 10

Şimali Koreya "yüksək səviyyəli fövqəladə epidemiya əleyhinə sistem" tətbiq edib.

7 / 10

Kim Çen Inın göstərişi ilə virusun yayılmasının qarşısını almaq və mümkün qədər tez "infeksiya mənbəyini aradan qaldırmaq" üçün bütün şəhər və rayonlarda karantin rejimi tətbiq edilib.

8 / 10

Kim Çen In "bu bədxassəli yoluxucu xəstəliyin Koreyada yayılmasını onun yarandığı gündən bəri ən böyük şok" adlandırıb.

9 / 10

Cənubi Koreya KXDR-na dərmanlar, peyvəndlər, maskalar, test dəstləri göndərmək, həmçinin Şimali Koreyaya texnologiya ilə kğmək etmək və "koronavirusla mübarizədə təcrübə mübadiləsi" aparmaq istəyir.

10 / 10

KXDR-də qızdırmalı xəstələrin sayı 1,2 milyonu ötüb, 50 nəfər dünyasını dəyişib.