BAKI, 16 may — Sputnik. İran Rusiya Prezidenti Vladimir Putinin Tehrana cavab səfərini gözləyir.
Bunu RİA Novosti-yə müsahibəsində İranın Moskvadakı səfiri Kazem Cəlali bildirib.
"Rusiya Federasiyasının Prezidenti cənab Putini uyğun vaxtda Tehranda qəbul etməyə hazırıq. Biz, həmçinin, "Astana formatlı" ölkə başçılarının Tehranda sammitinin keçirilməsində maraqlıyıq", - deyə səfir bildirib.
O, İran prezidenti İbrahim Rəisinin bu il yanvarın 19-20-də Moskvaya səfərinin iki ölkə arasında münasibətlərdə dönüş nöqtəsi olduğunu vurğulayıb.
Onun sözlərinə görə, son bir neçə ayda iki ölkə prezidentinin razılaşmalarının həyata keçirilməsi məqsədilə müxtəlif sahələri təmsil edən çoxsaylı nümayəndə heyətlərinin səfərləri baş tutub.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.