BAKI, 15 may - Sputnik. Rusiyanın "Qazprom" şirkəti Sudja stansiyasına Ukraynanın təsdiq etdiyi həcmdə - mayın 15-nə 62,7 milyon kubmetr qaz tədarük edilib. RİA Novosti xəbər verir ki, bunu şirkətin rəsmi nümayəndəsi Sergey Kupriyanov deyib.
“Sudja stansiyasına Ukraynanın təsdiq etdiyi həcmdə - mayın 15-nə 62,7 milyon kubmetr qaz tədarük edilib. “Soxanovka” stansiyası üçün müraciət rədd edilib”, - deyə o, jurnalistlərə bildirib.
Qeyd edək ki, Mayın 11-dən Ukrayna Rusiya qüvvələrinin nəzarəti altında ("LXR" ərazisində) olduğunu əsas gətirərək, "Soxranovka" stansiyası vasitəsilə tranzit üçün qaz qəbulunu dayandırıb.
Nəticədə qazın Avropaya tranziti üçün yalnız bir giriş qalıb ki, o da "Sudja" stansiyasıdır.
"Qazprom" şirkəti bəyan edib ki, bütün həcmləri Sudjaya köçürmək texnoloji cəhətdən mümkün deyil.
Həmçinin bildirilib ki, şirkət avropalı istehlakçılar qarşısında bütün öhdəliklərini yerinə yetirir və tranzit xidmətləri tam yerinə yetirilir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.