BAKI, 8 may - Sputnik. Orlando Polisinin Pensiya Fondu amerikalı milyarder İlon Maska qarşı “Twitter”i 44 milyard dollara almaq niyyətinə görə məhkəməyə müraciət edib.
İddia Delaver ştatının məhkəməsinə verilib. Fond şirkətin səhmdarlarından biridir. O, təkid edir ki, ştat qanunlarına görə, səhmlərin üçdə ikisinin sahiblərinin razılığı olmadan Mask 2025-ci ilə qədər “Twitter”im alınması ilə bağlı müqaviləni tamamlaya bilməz.
Məhkəmə sənədlərinə görə, Mask Twitter-in səhmlərinin 9%-dən çoxunu əldə etdikdən sonra “maraqlı səhmdar” statusu alıb və bu, sövdələşmənin təxirə salınmasını zəruri edir. “Twitter” məlumata münasibət bildirməyib.
Aprelin sonlarında yayılan məlumata görə, SpaceX və Tesla şirkətlərinin banisi İlon Mask Twitter-i qırx dörd milyard dollara satın alır.
"Twitter, Inc." bu gün elan etdi ki, bütövlükdə İlon Maska məxsus olan bir şirkət tərəfindən səhm üçün 54,2 dollara, təxminən 44 milyard dollar dəyərində bir sövdələşməyə alınacaq", - deyə məlumatda bildirilir.
Qeyd edək ki, bir müddət əvvəl "Twitter"in səhmdarı Səudiyyə Ərəbistanı şahzadəsi Əl-Valid bin Təlal İlon Maskın sosial şəbəkənin səhmlərinin hamısını (100%) almaq təklifini rədd edib.
Səhmdar şəhzadə, bu məbləğin "Twitter"in real dəyəri ilə müqayisədə uyğunsuz olduğunu hesab edib.
Amerikalı sahibkar və dünyanın ən varlı adamı İlon Mask “Twitter”in bütün səhmlərinin hər birini 54,2 dollara almağa hazır olduğunu bəyan edib.
Amerikalı sahibkar və dünyanın ən varlı adamı İlon Mask “Twitter”in bütün səhmlərinin hər birini 54,2 dollara almağa hazır olduğunu bəyan edib.
Bu barədə onun ABŞ Qiymətli Kağızlar Komissiyasına təqdim etdiyi müraciətdə deyilir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.