BAKI, 6 may - Sputnik. Rusiya və Ukrayna arasında danışıqları durğunluq içindədir. RİA Novosti xəbər verir ki, bunu Rusiya Xarici İşlər Nazirliyinin Xarici İşlər Departamentinin direktor müavini Aleksey Zaitsev Moskvada keçirdiyi brifinqdə deyib.
“Bunun fonunda (Qərbin Ukraynaya silah tədarükü – red.) Kiyevin və onun Qərb mentorlarının sülh yolu ilə nizamlanma axtarışında maraqlı olmaması başa düşüləndir. Rusiya-Ukrayna danışıqları durğunluq vəziyyətindədir”, - deyə o bildirib.
Xatırladaq ki, Rusiya fevralın 24-də Ukraynada hərbi əməliyyata başlayıb. RF Prezidenti Vladimir Putin onun məqsədini “səkkiz il ərzində Kiyev rejimi tərəfindən zorakılığa və soyqırıma məruz qalan insanların müdafiəsi” adlandırıb.
Onun sözlərinə görə, bunun üçün "Ukraynanın demilitarizasiyası və denazifikasiyası"nın həyata keçirilməsi, Donbasda "mülki əhaliyə qarşı qanlı cinayətlərə" cavabdeh olan bütün hərbi cinayətkarların məsuliyyətə cəlb edilməsi planlaşdırılır.
Rusiya Müdafiə Nazirliyinin məlumatına görə, Silahlı Qüvvələr yalnız hərbi infrastruktura və Ukrayna qoşunlarına zərbələr endirir. Martın 25-nə olan məlumata görə, birinci mərhələnin əsas tapşırıqları yerinə yetirilib - Ukraynanın döyüş potensialı xeyli azaldılıb.
Rusiya MN əməliyyatın əsas məqsədinin Donbasın azad edilməsi olduğunu bəyan edib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.