BAKI, 5 may - Sputnik. Ermənistanın daimi əhalisinin sayı 2 300 nəfər azalıb.
“Novosti Armeniya”nın xəbərinə görə, məlumatı Ermənistan Milli Statistika Komitəsi yayıb.
Bildirilib ki, 2011-ci ilin əhalinin siyahıyaalınmasına əsasən, 2022-ci il aprelin 1-də ölkə əhalisinin sayı 2 milyon 961 600 nəfər, 2021-ci ilin uyğun dövründə bu rəqəm 2 milyon 963 900 nəfər olub.
Məlumata görə, hesabat dövründə Ermənistanda şəhər əhalisinin sayı bir milyon 891 400 nəfər, o cümlədən İrəvanda bu göstərici bir milyon 93 min 200 nəfər, kənd sakinlərinin sayı isə bir milyon 70 min 200 nəfərdir (Report).
Digər maraqlı xəbərləri həmçinin Sputnik Azərbaycan-ın Teleqram kanalından izləyin.