BAKI, 28 aprel — Sputnik. Nigar. Ötən il 94 qadın və 1 kişi insan alverinin qurbanı olub. Bu, Milli Məclisin Hüquq siyasəti və dövlət quruculuğu və İnsan hüquqları komitələrinin sabah-aprelin 29-da keçiriləcək birgə iclasında müzakirəyə çıxarılacaq Azərbaycanın İnsan alverinə qarşı mübarizə üzrə Milli Koordinatorunun 2021-ci il üzrə illik məlumatında əksini tapıb.
APA-nın xəbərinə görə, sənəddə qeyd edilib ki, onların hamısı Azərbaycan vətəndaşları olub. İnsan alveri qurbanlarının 5 nəfəri 18-25, 59 nəfəri 25-35, 31 nəfəri isə 35-dən yuxarı yaş həddində olub.
Sənəddə bildirilib ki, qurbanlardan 74-ü cinsi istismar məqsədilə Türkiyə, 12-si Rusiya, 7-si İran, 1-i Birləşmiş Ərəb Əmirliklərinə aparılıb. Bir nəfər isə ölkə daxilində məcburi əməyə məruz qalıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.