BAKI, 24 aprel - Sputnik. Rusiya prezidenti Vladimir Putin gələn həftə iqtisadi məsələlərlə məşğul olacaq. Bu barədə məlumat “Rossiya 1” telekanalının “Moskva. Kreml. Putin” proqramında səsləndirilib.
Bir qədər əvvəl məlumat verilmişdi ki, bazar ertəsi dövlət başçısı Rusiya Federasiyası Baş Prokurorluğunun kollegiyasının iclasında iştirak edəcək.
Bundan əlavə, Putinin rusiyalı idmançılarla - Olimpiya və Paralimpiya komandalarının üzvləri ilə görüşəcəyi, həmçinin İdmanın İnkişafı Şurasının iclasını keçirəcəyi bildirilir.
Dövlət başçısının mətbuat katibi Dmitri Peskov daha əvvəl RİA Novosti-yə bildirib ki, Putin Sankt-Peterburqda Qanunvericilər Şurasının iclasında iştirak edəcək.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.