Azərbaycan bazarlarında alıcıları hansı balıq sevindirir

BAKI, 19 aprel — Sputnik. Su anbarlarında balığın azalmasına baxmayaraq, Azərbaycanda bazar rəflərində o, bolluq təşkil edərək çeşidi ilə istehlakçıları cəlb edir. Bakıda hansı balıq növünü seçə bilərsiniz, bu barədə Sputnik Azərbaycan-ın foto lentinə baxın.

Azərbaycanın təbii su anbarlarında balıq ehtiyatı, ekspertlərin fikrincə, son 20-30 ildə on dəfədən çox azalıb. Xəzərdəki çətin ekoloji vəziyyət Xəzəryanı ölkələri hər il mövsümi balıq ovuna moratorium, bəzi yerlərdə hətta nərə balıqlarının ovuna tam qadağa qoymağa məcbur edir.

Lakin bütün bunlara baxmayaraq, Bakı bazarları alıcıları balıq seçimi ilə sevindirir. Bu isə, həm ölkədaxili balıqçılığın inkişafı, həm də qonşu ölkələrdən balıq məhsullarının ixracı ilə bağlıdır.

1 / 13

Dənizdə kommersiya məqsədli balıq ovu yalnız mayın 1-dən qüvvəyə minəcək və payıza qədər davam edəcək.

2 / 13

Buna görə də mağaza və bazarların piştaxtalarında hələ də dəniz balığı var.

3 / 13

2021-ci ilin yekunlarına görə, Azərbaycanda süni balıq yetişdirilməsi ilə məşğul olan 700-ə yaxın təsərrüfat var.

4 / 13

Ölkə ərazisində 400 tona yaxın nərə balığı, 400 ton alabalıq və 5 min ton sazan balığı növləri (sazan, gümüş sazan və belomor) yetişdirilib.

5 / 13

Balıqçılıq təsərrüfatları əsasən Kür boyu - Salyan, Neftçala və digər Aran rayonlarında yerləşir.

6 / 13

Alabalıq təsərrüfatları əsasən ölkənin şimalında, dağ çaylarının yaxınlığında yerləşir.

7 / 13

Balıq qıtlığının qarşısını almaq üçün onun idxalına icazə verilir.

8 / 13

Azərbaycan əsasən İran, Rusiya, Türkiyə, Argentina, Çili və Çindən balıq idxal edir.

9 / 13

2021-ci ildə Azərbaycan 30 milyon dollar dəyərində balıq idxal edib.

10 / 13

Bunlar, əsasən, İrandan nərə balığı, Rusiyadan qızılbalıq və alabalıq, Türkiyədən çapaq və levrekdir.

11 / 13

Azərbaycanda 2021-ci ildə 1837,4 ton kvota ilə 1463,6 ton balıq ovlanıb.

12 / 13

2021-ci ildə Azərbaycanda 922,6 ton kilkə, 109,8 ton kütüm, 89,4 ton siyənək, 89,1 ton kefal, 65,7 ton çömçəbalığı, 44,5 ton çapaq, 49,1 ton sazan, 25,4 ton xırda balıq, 11,8 ton suf balığı, 13,2 ton şamayka ovlanıb.

13 / 13

Ölkə üzrə ümumilikdə 279 fiziki və hüquqi şəxs balıqçılıqla məşğul olub.

Digər maraqlı xəbərləri həmçinin Sputnik Azərbaycan-ın Teleqram kanalından izləyin.