BAKI, 18 aprel — Sputnik. Rusiya iqtisadiyyatı üçün əsas neqativ amil Qərbin sanksiya təzyiqi oldu, Rusiya buna tab gətirdi, Qərb ölkələrinin sanksiyaların köməyi ilə bank sistemini çökdürmək cəhdi, mal qıtlığı uğursuzluğa düçar oldu. "RİA Novosti" xəbər verir ki, bunu Rusiya Prezidenti Vladimir Putin deyib.
Putin iqtisadi blitzkriq strategiyasının uğursuz olduğunu vurğulayıb: "Üstəlik, sanksiyalar onların təşəbbüskarları üçün də təsirsiz ötüşmədi. Mən inflyasiyanın və işsizliyin artımını, ABŞ və Avropa ölkələrində iqtisadi dinamikanın pisləşməsini, avropalıların həyat səviyyəsinin aşağı düşməsini, əmanətlərinin devalvasiyasını nəzərdə tuturam. Rusiya, artıq dediyim kimi, bu görünməmiş təzyiqə tab gətirdi, vəziyyət stabilləşir".
Rusiya prezidenti deyib ki, ölkəsi pərakəndə formada bazarın süni tənzimlənməsinə əl atmayanda düzgün iş görüb, bunun əvəzində özəl biznesə effektiv həll yolları tapmaq imkanını verib.
Onun sözlərinə görə, bir sıra mallarda qısamüddətli bumdan sonra pərakəndə tələbat normallaşıb, əmtəə ehtiyatları bərpa olunur.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.