Fələstin-İsrail münaqişəsi: Əl-Əqsa məscidinin yanında baş verənlər

Cümə günü Qüdsdəki Əl-Əqsa məscidinin ərazisində və onun kənarında ərəb əhali ilə İsrail təhlükəsizlik qüvvələri arasında toqquşma baş verib. Fələstin Qızıl Aypara Cəmiyyətinin məlumatına görə, qurbanların sayı 250 nəfəri keçib. Eyni zamanda, ən azı üç İsrail polisi yaralanıb.

Əl-Əqsa məscidinin imamı Şeyx Əkrəm Səbri Əl-Cəzirə telekanalına deyib ki, aprelin 15-də Məbəd dağında baş verən qarşıdurmaların səbəbi İsrail təhlükəsizlik qüvvələrinin dəstəklədiyi yəhudi mühacirlər tərəfindən edilən təxribat olub. İsrail təhlükəsizlik qüvvələri ən azı 400 nəfəri həbs edib.

Fələstinin WAFA agentliyi İsrail polisinin xüsusi avadanlıqdan istifadə etməsindən sonra 153 ərəbin tibbi yardıma ehtiyacı olduğunu, azı 30 yoldan keçənin rezin güllə yarası ilə xəstəxanalara aparıldığını bildirib. İsraillilər arasında da ən azı səkkiz yaralı var.

1 / 14

Cümə günü Qüds və İordan çayının qərb sahilində İsrail hərbçiləri ilə toqquşmalarda 340-dan çox fələstinli yaralanıb.

2 / 14

Cümə günü Qüdsdəki Əl-Əqsa məscidinin ərazisində və onun ətrafında ərəb əhali ilə İsrail təhlükəsizlik qüvvələri arasında toqquşma baş verib.

3 / 14

Mətbuat məsciddə İsrail hərbçilərinin səs bombaları və gözyaşardıcı qazdan istifadə edərək rezin güllələr atmağa başladığını bildirib.

4 / 14

Sosial şəbəkələrdə yayılan videolarda fələstinlilərin əsgərlərə daş atması da görünür.

5 / 14

İsrail polisi cümə günü metal baryerlər quraraq ərəb sakinlərinin Qüdsdəki Məbəd dağındakı Əl-Əqsa məscidinə sərbəst keçidinə mane olub.

6 / 14

Elə həmin gün Qüdslə yanaşı, İsrail hərbçiləri ilə fələstinlilər arasında Hevron, Vifleem, Tulkarm, Qalkiliya və Nablusda da qarşıdurmalar baş verib.

7 / 14

Müsəlmanların müqəddəs Ramazan ayı, Katolik Pasxa və Pesax bayramlarından əvvəlki həftə - bunların hamısı bu il eyni vaxta düşür və on minlərlə zəvvar səlahiyyətlilərin koronavirus məhdudiyyətlərini qaldırdığı Qüdsə gəlir.

8 / 14

İsrailin Baş naziri bildirib ki, ictimai asayişi pozmaqda davam edən və bayram tədbirlərinə müdaxilə etməyə cəhd edərək qarışıqlıq yaradanların hərəkətlərini dayandırmaq lazımdır.

9 / 14

Məbəd dağında baş verən qarşıdurmalardan sonra İsrail polisi və Fələstin milli administrasiyası bir-birini vəziyyəti gərginləşdirməkdə ittiham edib.

10 / 14

BMT-nin baş katibi Antonio Quterreş Qüdsün Köhnə şəhərinin Məbəd dağında baş verən iğtişaşlardan dərin narahat olduğunu qeyd edib və vəziyyəti daha da pisləşdirməmək üçün təxribatlara son qoymağa çağırıb.

11 / 14

Səudiyyə Ərəbistanı və Qətər İsrail təhlükəsizlik qüvvələrinin cümə günü Şərqi Qüdsdəki Əl-Əqsa məscidinə namaza gələn fələstinlilərə qarşı hərəkətlərini şiddətlə qınayıb.

12 / 14

İsraildə təhlükəsizlik vəziyyəti son həftələr 14 nəfərin ölümünə səbəb olan silsilə terror aktları ilə gərginləşib.

13 / 14

Naftali Bennet: “İsrail rəhbərliyi terror dalğası ilə mübarizə aparmaq və Qüdsdəki iğtişaşlardan sonra sakitliyi bərpa etmək üçün ölkənin təhlükəsizlik qüvvələrinə tam sərbəstlik verməkdə davam edir”.

14 / 14

Ərəb Liqasının (LAS) baş katibi Əhməd Əbu əl-Qeyt İsrail hakimiyyətini fələstinlilərə qarşı zorakılığın artmasına qarşı xəbərdar edib.