Şri Lankada defolt gözlənilir: yemək və dərman qıtlığına görə etirazlar başlayıb

Şri-Lanka hakimiyyəti Beynəlxalq Valyuta Fondunun dəstəklədiyi iqtisadi tənzimləmə proqramına uyğun olaraq bu öhdəliklərin restrukturizasiyasını gözləyərək aralıq dövr üçün xarici borclarına görə defolt elan edib. Bu barədə Dövlət Maliyyə Nazirliyi məlumat verib.

Ölkədə ərzaq və ilkin tələbat mallarının, yanacaq və qazın kəskin çatışmazlığı mövcuddur. Bir çox ərazilərdə yanacaq idxalı üçün xarici valyuta çatışmazlığı səbəbindən 13 saata qədər elektrik enerjisi daimi kəsilir.

1 / 12

Çərşənbə axşamı Şri-Lanka hakimiyyəti ərzaq və yanacaq idxalınının ödənilməsinə görə vəsaitləri saxlamaq üçün xarici borc ödənişlərini dayandırıb.

2 / 12

Aprelin əvvəlində ada dövlətində iqtisadi vəziyyətin pisləşməsi səbəbindən etirazlar başlayıb.

3 / 12

Şri-Lanka 1948-ci ildə müstəqillik əldə etdikdən sonra özünün ən pis iqtisadi böhranını yaşayır. Ölkənin valyuta ehtiyatlarının çatışmazlığına səbəb pandemiya ilə əlaqədar xarici turizmin azalması olub.

4 / 12

Ölkədə fövqəladə vəziyyətin tətbiqinə və rejimin pozulmasına qarşı keçirilən kütləvi etirazlar nəticəsində 600-dən çox insan həbs edilib.

5 / 12

Hakimiyyət ölkənin müxtəlif bölgələrində olan etiraz aksiyalarını yatırır.

6 / 12

Şri-Lankanın Səhiyyə Nazirliyi iqtisadi problemlər səbəbindən bir sıra xəstəxanalarda dərman, ləvazimat və avadanlıq çatışmazlığını qeydə alır.

7 / 12

Dövlət digər aktual problemi - yanacaq çatışmazlığını da həll etməyə çalışır.

8 / 12

Şri-Lanka Neft Korporasiyası bununla əlaqədar olaraq ixracatçılara dəstək proqramına təşəbbüs göstərib.

9 / 12

Hindistan dərin iqtisadi böhran şəraitində ərzaq qıtlığı yaşayan Şri-Lankaya 11 min ton düyü verib.

10 / 12

Bundan əlavə, Hindistan Şri-Lankanı dizel yanacağı və benzinlə təmin edir.

11 / 12

Şri-Lanka Mərkəzi Bankı xaricdəki öz vətəndaşlarını ölkədəki dərin iqtisadi böhranla mübarizə üçün vəsait ianə etməyə çağırıb.

12 / 12

Şri-Lanka hakimiyyəti ilin sonuna kimi 3-4 milyard dollar iqtisadi yardım almaq üçün Beynəlxalq Valyuta Fondu ilə danışıqlara başlamağı planlaşdırır.

Digər maraqlı xəbərləri həmçinin Sputnik Azərbaycan-ın Teleqram kanalından izləyin!