BAKI, 14 aprel — Sputnik. Azərbaycan neftinin qiyməti bahalaşıb.
"Azeri Light" markalı neftin qiyməti 1,61 dollar artaraq 110 dolları ötüb.
Dünya birjalarında neft qiymətləri ucuzlaşıb
London birjasında "Brent" markalı neftin qiyməti 0,67 dollar azalaraq 108,11 dollar, Nyu-York birjasında "Light" markalı neftin qiyməti isə 1,13 dollar ucuzlaşaraq 103,12 dollar olub.
Neftin qiymətləri iki günlük artımdan sonra ucuzlaşmağa başlayıb. Ukraynada baş verən hadisələr və Çindəki pandemiyanın gedişi qiymətlərə təsir göstərir.
Xatırladaq ki, Azərbaycan neftinin bu il ərzində maksimum qiyməti martın 9-da (135,99 dollar) qeydə alınıb.
Martda ölkədə gündəlik xam neft hasilatı 579,4 min barel olub
Ötən ay Azərbaycanda gündəlik neft hasilatı 696,4 min barel olub. Bunun 579,4 min barelini xam neft, 117 min barelini isə kondensat təşkil edib.
OPEC+ ölkələri nazirlərinin 25-ci iclasında qəbul edilmiş qərara əsasən, Azərbaycanda gündəlik xam neft hasilatının mart ayında daha 7 min barel artırılaraq 675 min barelə çatdırılması, ixtisarla bağlı öhdəliyin isə 43 min barel həcmində olması nəzərdə tutulurdu.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.