BAKI, 7 aprel — Sputnik. Fransa Prezidenti Emmanuel Makron bəyan edib ki, Rusiya lideri Vladimir Putinlə dialoq aparmağı davam etdirməyi zəruri hesab edir.
"Mən prezident Putinlə Fransa adından həmişə danışdığım üçün öz üzərimə tam məsuliyyət götürürəm. <…> Mən həmişə Rusiya ilə danışıq üçün səy göstərmişəm. Mən həmişə atəşkəs rejiminə nail olunması üçün dialoq aparmışam", — deyə Makron TF1-in efirində, Polşa hökumətinin başçısı Mateuş Mazovetskinin onun ünvanına Putinə mütəmadi zənglərə görə iradları şərh edərkən deyib.
Ukraynada nə baş verir
Xatırladaq ki, Rusiya fevralın 24-də Ukraynada xüsusi hərbi əməliyyata başlayıb.
Prezident Vladimir Putin onun məqsədini "səkkiz il ərzində Kiyev rejimi tərəfindən zorakılığa və soyqırıma məruz qalan insanların müdafiəsi" kimi ifadə edib.
Bunun üçün, onun sözlərinə görə, "Ukraynanın demilitarizasiyası və denasifikasiyası"nın həyata keçirilməsi, Donbassda "mülki əhaliyə qarşı qanlı cinayətlərə" cavabdeh olan bütün hərbi cinayətkarların məsuliyyətə cəlb edilməsi planlaşdırılır.
Rusiya Federasiyasının Müdafiə Nazirliyinin məlumatına görə, Silahlı Qüvvələr yalnız hərbi infrastruktura və Ukrayna qoşunlarına zərbələr endirir.
V.Putin vurğulayıb ki, Rusiya Silahlı Qüvvələrinin dəstəyi ilə "DXR" və "LXR" qrupları hücumu inkişaf etdirir, lakin Ukraynanın işğalından söhbət getmir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.