Həyat mənbəyi olmadan: Afrika sakinlərinin ümid və ümidsizliyi

BAKI, 7 aprel — Sputnik. Dünyada hər beş nəfərdən ikisi suyun qıt olduğu ərazilərdə yaşayır. Bu barədə IX Ümumdünya su forumunda Seneqal prezidenti, Afrika ittifaqının (Aİ) sədri Maki Sal məlumat verib.

Seneqal prezidentinin sözlərinə görə, Dünya su forumunda su çatışmazlığı vəziyyətinin ciddiliyi barədə həyəcan təbili çalınmalıdır. Su ilə bağlı məsələləri beynəlxalq gündəmin mərkəzində saxlamaq lazımdır.

Maki Salın sözlərinə görə, suyun əldə edilməsi ilə bağlı vəziyyət məyusedici görünür.

1 / 13

Dünyanın müəyyən regionlarında artan su böhranı yeraltı sulardan istifadəyə daha məsuliyyətli və rasional yanaşma tələb edir.

2 / 13

Su kənd təsərrüfatı, heyvandarlıq və sənaye istehsalı üçün vacibdir.

3 / 13

Afrikada insanların yalnız 80%-i içməli su əldə edə bilir.

4 / 13

Su ehtiyatlarının 90%-nin transsərhəd olduğu Afrika ölkələri arasında əməkdaşlıq sürətlə inkişaf etməlidir.

5 / 13

Qitədə gənc qızların həyatına təsir edən xəstəliklərin səbəbi keyfiyyətsiz sudur.

6 / 13

Hazırda bir çox ölkələr şirin su çatışmazlığı problemi ilə üzləşir. Şimali Afrika regionlarında bu problem xüsusilə kəskindir.

7 / 13

ÜST və UNICEF-in məlumatına görə, bu gün 2,2 milyard insan təhlükəsiz içməli su əldə edə bilmir və çirklənmiş sudan istifadə etmək məcburiyyətindədir, bu da onları vəba, dizenteriya, tif və poliomielit xəstəliyinə yoluxma riski ilə üz-üzə qoyur.

8 / 13

Bu problem Afrikada çox kəskindir. Afrikada hər il 5 milyondan çox insan təmiz su çatışmazlığından və ya çirkli su içməyin səbəb olduğu xəstəliklərdən ölür.

9 / 13

Dünyada əhali artımı suya tələbatı artırır, üstəlik, Afrikada iqlim dəyişikliyini də bura əlavə etsək, dünyanın ciddi problemlərlə üzləşdiyini görərik.

10 / 13

Şərqi Afrikada quraqlıq və Qərbi Afrikada az yağıntı kimi iqlim şokları qida böhranına səbəb olur.

11 / 13

1990-cı ildən bəri baş verən ən dağıdıcı təbii fəlakətlərin 90%-i su ilə bağlıdır.

12 / 13

BQXK-nın məlumatına görə, "Afrika əhalisinin dörddə birindən çoxu – 346 milyon insan ərzaq təhlükəsizliyi böhranı ilə üzləşib".

13 / 13

2,1 milyard insan çirklənmiş su istehlak etmək məcburiyyətindədir. Eyni zamanda suyun 80%-i heç təmizlənmədən təbiətə axıdılır ki, bu da 4,5 milyard insanın sağlamlığı və həyatı üçün təhlükə yaradır.

Digər maraqlı xəbərləri həmçinin Sputnik Azərbaycan-ın Teleqram kanalından izləyin.